Itsasondoko Udala
Ordenantza Fiskala
admin(e)k bidalita Ast, 2002-11-25 23:00(e)an.
2008ko zerga ordenantzak aldatzea. Behin betiko onespena.
2. Etxekotutako animaliatzat hartuko dira basoan eta aske jaio arren gizakiok ikustera eta gizakiok lagun izatera ohituta daudenak, eta orain bizirik irauteko gizakiaren laguntasuna ezinbestekoa dutenak.3. Itxian hazitako basa-animaliatzat hartuko dira basoan edo itxian jaio arren gatibualdiko baldintzapean bizi izan direnak, eta ez, gero etxekotuak izan daitezen, ikaskuntzarako baldintzapean.4. Arriskutsuak izan daitezkeen animaliatzat hartuko dira basatiak izanik etxe-abere gisa edo konpainiako animalia gisa erabiltzen direnak eta, agresibitatea kontuan hartu gabe, gizakiak edo beste animalia batzuk hiltzeko edo gauzei kalteak eragiteko gaitasundun espezie edo arrazatakoak direnak.
Arriskutsuak izan daitezkeen animaliatzat hartuko dira, baita ere, erregelamenduz zehaztutako etxe-abereak edo konpainiakoak eta, bereziki, ekainaren 1eko 101/2004 Dekretuko I. eta II. eranskinetan zehaztutako txakur-espezieetakoak, eta bertako 10.1.c) artikuluan izaera horretakotzat izendatutakoak.
5. Ustiapen-animaliatzat hartuko dira, giza ingurunera egokituak izan ondoren, gizakiari esker bizirik irauten dutenak, betiere irabaziak lortzeko helburuarekin, bai animaliekin eurekin bai animalioi esker lortutako ekoizpenekin.6. Edukitzeko baldintza berezipeko txakurtzat hartuko dira beraien ezaugarri etologikoengatik etxean eduki ahal izateko udal agintaritzak baldintza bereziduntzat izenda ditzakeen txakurrak. II.Titulua: Animaliak edukitzearen araubide juridikoa1.kapitulua: izaera orokorreko arauak4.artikulua:a)Animaliaren bat duenak higiene eta osasunezko baldintza egokietan eduki beharko du, aterperako leku egokian jarriz, janaria eta edaria emanez, albaitariaren sorospena eta gorputz ariketak egiteko aukera eskainiz eta bere espezie eta arrazaren behar fisiologiko eta etiologikoei dagokien moduko arreta eskainiz.2. Bereziki, animalien mantenurako gutxieneko baldintza hauek ezarri dira:a) Edateko ur eta elikagai nahikoa eta orekatua ematea, nutrizio eta osasun maila egokia izan dezan.
b) Espazio, aireztapen, hezetasun, tenperatura, argitasun eta aterpe egokia eta beharrezkoak eskaintzea, animaliak inolako sufrimendurik izan ez dezan eta bizitzeko premiei erantzuteko aukera edukitzeaz gain ongizateaz goza dezan.c) Bizilekuak garbi, desinfektatuta eta desintsektatuta edukitzea, gorozkiak eta gernua aldian-aldian garbituz.
d) Ibilgailu batek ezin du animaliaren ohiko bizitokia izan.e) Animaliak ibilgailu pribatuan garraiatzeko ezinbestekoa izango da animalientzat nahikoa espazio izatea, aire libretik babestuta, animaliak gidariaren jardunari inolako trabarik egin gabe, trafiko-segurtasuna arriskuan jarri gabe eta ikuspuntu etologiko edo fisiologikotik animaliarentzat baldintza desegokirik gabe.f) Aparkatutako ibilgailuren baten barruan animaliaren bat utzi bada, ibilgailuak ezin izango ditu egin 4 ordu baino gehiago aparkatuta eta, udan, ahal bada gerizpetan utzi beharko dira, beti ondo aireztatuta. g) Abereei jaten eman eta gaua beraiekin pasatzen duena animalia horien jabea kontsideratua izango da.h) Debekatua dago:-Animaliei tratu txarra ematea edo arrazoirik gabeko oinaze edo mina eta larritasuna zor diezaiekeen edozer gauza egitea.-Abandonatzea-Bizi ahal izateko behar duten janaria ez ematea edo higiene edo eta osasunaren ikuspuntutik egokiak ez diren tokietan edukitzea.-Animaliei mozketak egitea salbu albaitariak egiten dituenak.-Alkohola, drogak edo farmakoak ematea.-Kalean animaliak hiltzea, behar-beharrezkoak den kasuetan izan ezik.Debekatua dago baita ere:-14 urtez beherakoei edo ezinduei animaliak saltzea, ematea edo uztea, haien agintea duen gurasoen edo zaintza duen pertsonaren baimenik gabe.-Animalien kalez kaleko salmenta, baimenduak dauden merkatuetatik kanpo-Animaliak laborategi edo klinikei saltzea administrazioaren kontrolik gabe.-Animaliak salmentak bultzatzeko sari edo ordain gisa ematea, animalien ordainbidezko eskualdaketaren ondorio diren negozio juridikoak salbu.5.artikulua: Animalien identifikazioaa)Txakurren jabe edo edukitzaileak behartuta daude animaliok identifikatuta eta ohiko bizileku duten udalerriko udaletxeetan erroldatuta edukitzera; horretarako 1 hilabete izango dute, animalia jaio den edota eskuratu duten egunetik kontatzen hasita. Betebeharra udalerrian modu iraunkorrean bizi diren edo 3 hilabete baino gehiago daramatzaten animalien jabeak izango dute.
Lesioak eragin dituen animaliaren jabeak 24 ordu izango ditu animalia berak aukeratutako albaitari ofizial edo gaitu batengana eramateko; animaliak, txakurra bada, behaketan egon beharko du hamalau egunez, baina egun-kopuru hori aldatu egin ahal izango da beste animalia batzuen kasuan edo unean uneko baldintza epizootiologikoek hala gomendatzen badute, betiere, txosten tekniko batek hartarako arrazoiak ematen baditu. Hozka egin eta 24 orduen epe hori igaro, eta jabeak txakurra albaitariarengana borondatez eraman ez badu, eskumena duen udal agintaritzak eraman dezan eskatuko dio, eta animaliak jasotzen dituen zentro batean sartzeko edota isolatzeko agindu ahal izango du (II. Eranskina). Errekerimendu hau ez betetzea arau-hauste larria izango da ekainaren 26ko 8/1997 Legeko -Euskadiko Antolamendu Sanitarioa- 36.2.b.1 artikuluan jasotakoari jarraituz, eta han esandakoa bermatzeko kautelazko neurriak hartzearen kaltetan izan gabe. Dena den, egindako txostenaren edo egiaztagiriaren kostua animaliaren jabeak edota edukitzaileak ordaindu beharko du. Animaliak jabe edo edukitzaile jakinik izango ez balu, gertakarien berri jaso duen udal zerbitzua arduratuko da animalia jaso eta behaketan jartzeaz. Behaketaren berri eman beharko dio espedientea tramitatzeko eskumendun udalari gertaerak izan eta 72 orduko epea baino lehen.Albaitariak behaketa egingo du zoonosia izateko arriskua dagoen ala ez ikusteko eta animaliaren izaera arriskutsua izan daitekeen ala ez ebaluatzeko eta, III. eranskinean dagoen ereduari jarraituz, emaitzari buruzko egiaztagiria/txostena bidali beharko du. Jabeak edota edukitzaileak, behin animaliari behaketa egin zaionean, 48 ordu izango ditu albaitariaren egiaztagiria/txostena bidaltzeko espedientea izapidetzen ari den udalari —lehen paragrafoan adierazitakoari—, udal horrek espedientean sar dezan. Udalak, dagokion foru aldundiko Abeltzaintza Zerbitzura eta Osasun Saileko Zaintza Epidemiologikoko Zerbitzura bidali beharko du kopia bat. Behaketa hori egin ondoren arrisku sanitarioa dagoela ikusten bada, horretan diharduen administrazioak txakurra zentro batean sartzeko edota isolatzeko edo, egoera horretan egonez gero, berdin jarraitzeko agindua eman dezake.3. Erasotzerakoan hozkadarik egin ez bada, jabeak edo edukitzaileak berak nahi duen albaitari ofizial edo gaitu batengana eraman beharko du txakurra; albaitariak animaliaren izaera arriskutsua den ala ez ebaluatuko du nahi duen denboran, eta egiaztagiri bat emango du. Jabeak espedientea izapidetuko duenari bidali beharko dio egiaztagiri hori.
11.artikulua: salbuespenak1.-Orain arteko artikuluetan xedatutakoa kontutan hartu behar den arren, itsu-txakurren laguntzarekin dabiltzan ikusmen urriko pertsonek sartu ahal izango dute txakurra leku, ostatu, establezimendu, lokal eta garraio publikoetara. Erreferentziazko establezimenduen artean daude ospitale publiko zein pribatuak, bai eta osasun laguntzarako beste zentro guztiak ere.2.-Ikusmen urriko pertsonak, aldez aurreko errekerimenduz, animalia itsu-txakurra dela egiaztatzen duen agiria erakutsi beharko du, eta dagozkion osasun errekerimenduak betetzen dituela egiaztatzen duena ere bai.3.-Itsu-txakurrak gaixotasun, agresibitate, garbitasun eza edo, orokorrean, herritarrentzako arriskutsua izateko itxurarik badu, ezin izango du aurreko artikuluan zehaztutako lekuetara sartu. 2.KAPITULUA: ARRISKUTSUAK IZAN DAITEZKEEN ANIMALIEI BURUZKO BERARIAZKO XEDAPENAK.12.artikulua: araubide orokorraTxakurrentzat aplikatzekoak dira Euskal Autonomia Erkidegoan txakurrak edukitzeari buruzko uztailaren 1eko 101/2004 Dekretuan, arriskutsuak izan daitezkeen animaliak edukitzeko araubide juridikoari buruzko abenduaren 23ko 50/1999 Legea garatzen duen martxoaren 22ko 287/2002 Errege-Dekretuan, eta aplikagarri diren beste araubide guztietan jasotakoak, eta aurreko tituluetan jasotakoa eta, bereziki, identifikazioari eta erregistroari dagokion guztia. 13. artikulua: Lizentzia1. Arriskutsuak izan daitezkeen animaliak edukitzeko araubide juridikoari buruzko abenduaren 23ko 50/1999 Legearen babesean animalia arriskutsutzat sailkatutako edozein animalia eduki ahal izateko, administrazio-lizentzia lortu behar da, eskatzailea bizi den udalerriko udalak emango duena edo, bestela, salerosketa edo txakurraren trebakuntza egin deneko udalak –bizi den udalean horren berri eman ondoren–, betiere aurrez, gutxienez honako betekizun hauek betetzen direla egiaztatu ondoren:
a) Adinez nagusi izatea.b) Hilketa, lesio edo torturengatiko, askatasunaren edo osotasun moralaren, sexu-askatasunaren eta osasun publikoaren aurka egiteagatiko, edo talde armatu edo narkotrafikatzaile batekin lotura izateagatiko delituengatik kondenatua ez izatea, eta ebazpen judizial batek arriskutsuak izan daitezkeen txakurrak edukitzeko eskubidea kenduta ez izatea.c) Arriskutsuak izan daitezkeen animalien araubide juridikoari buruzko abenduaren 23ko 50/1999 Legearen 13.3 artikuluan adierazitako zehapen osagarririk jaso ez izana, arau-hauste larria edo oso larria egin izanagatik. Lizentzia denbora baterako kendu izanak ez du esan nahi, hala ere, lizentzia gehiago eskuratzerik edo berritzerik izango ez denik; hori bai, lizentzia eskatzerakoan, osorik beteta izan behar da aurreko zehapena, alegia, lizentziarik gabe egon beharreko aldiak bukatuta egon behar du.d) Arriskutsuak izan daitezkeen animaliak eduki ahal izateko ahalmen fisikoa eta gaitasun psikologikoa izatea.e) Hirugarren batzuentzako kalteengatiko erantzukizun zibileko asegurua formalizatuta izatea, estaldura ehun eta hogei mila eurotik (120.000) gorakoa izanik.Arriskutsuak izan daitezkeen txakurren jabeek, ekainaren 1eko 101/2004 dekretuko 13-3-e) eta 12. artikuluetan jasotakoarekin bat, aurreko idatz-zatian ezarritako baldintzapeko asegurua formalizatzeaz gain, animalia identifikatzen den egunetik hasita hamar eguneko epean kontratatu beharko dute aseguru hori, dagokion erregistroan sartu baino lehen.Aseguru hori beste aseguru batzuen barruan egon daiteke, baina edozein kasutan ere, kontratazioak egiaztagiri baten bidez onetsita egon beharko du, aipatutako 101/2004 dekretuko III. eranskinean jasotako ereduaren araberakoaren bidez. Egiaztagiria aseguru-konpainiak egindakoa izango da. Bertan, aseguruak babestutako txakurraren identifikazioari berariazko erreferentzia egingo zaio eta aseguruaren efektu-data eta mugaeguna zehaztuko dira.Txakurraren jabearen ardura izango da animalia bizi den artean erantzukizun zibilerako aseguru horren babespean edukitzea eta asegurua indarrean mantentzea, horretarako beharrezko berritzeak eginez, hala behar denean.f) 1. idatz-zati honetako b) eta c) paragrafoetan ezarritako betekizunak dagozkien erregistroek egindako egiaztagiri negatiboen bidez erakutsiko da. Ahalmen fisikoa eta gaitasun psikologikoa lehen ere aipatutako martxoaren 22ko 287/2002 Errege Dekretuan xedatutakoari jarraituz lortutako ziurtagirien bidez egiaztatuko dira.
2. Lizentzia administratiboa, interesatuaren eskariz, alkatetzak eman edo berrituko du, 50/1999 Legean xedatutakoari jarraituz, aurreko idatz-zatian ezarritako betekizunak egiaztatu ondoren.3. Lizentzia bost urterako izango da eta berritu egin ahal izango da iraupen bereko segidako aldikadatan. Hala ere, lizentziaren indarraldia galdu egingo da aurreko idatz-zatian ezarritako edozein betekizun betetzen ez denean. Lizentzian ageri diren datuetako edozein aldatzen bada, titularrak alkatetzari jakinarazi beharko dio aldaketa gertatzen den egunetik zenbatzen hasita hamabost egun baino lehen.
4. Bide judiziala edo administratiboa erabiliz emandako administrazio-lizentzia bati kautelazko neurriak ezartzen bazaizkio edo lizentzia hori kentzen bada, ez da izango beste lizentzia berririk ematerik edo lizentzia bera berritzerik, harik eta egoera hori aldatu arte.5. Artikulu honetako 1. paragrafoan eskatutako betekizunak bete gabe emandako lizentziek ez dute inolako baliorik izango eta, beraz, titularrak ez duela lizentziarik ulertuko da.
14. artikulua. Arriskutsuak izan daitezkeen animalien erregistroa.1. Lizentziaren titularrari dagokio txakurra arriskutsuak izan daitezkeen animalien udal erregistroan sartzeko eginbeharra, lizentzia eskuratu eta hurrengo egunetik zenbatzen hasita, hamabost eguneko epean.2. Arriskutsuak izan daitezkeen animalien udal erregistroari jakinarazi beharko zaio animaliaren salmenta, eskualdaketa, dohaintza, lapurreta, heriotza edo galeraren berri, hala jasota utziz dagokion erregistro-orrian.3. Arriskutsua izan daitekeen animalia Euskal Autonomia Erkidegotik kanpoko beste udalerri batera lekualdatzeko, betiko edo hiru hilabetetik gorako aldikadarako, jabeak ezinbestean egin beharko ditu dagozkion inskripzioak udal erregistroetan.4. Animaliaren titularrak artikulu honetan agindutakoa betetzen ez badu, dagokion zehapen administratiboa egingo zaio, 50/1999 Legeko 13. artikuluan xedatutakoari jarraituz.
15. artikulua. Segurtasun neurriak.1. Arriskutsuak izan daitezkeen animalien jabe, hazle edo edukitzaileek indarrean dagoen legerian hiritarren segurtasunerako ezarritako arau guztiak betetzera derrigortuta daude, animalia horien eta gizakion arteko elkarbizitzarik hoberena bermatzeko xedez eta biztanleriari ahalik eta eragozpen gutxien eragiteko.2. Arriskutsuak izan daitezkeen animaliak leku edo espazio publikoetan egoteko animaliok daramatzanak eta kontrolatzen dituenak aldean eraman beharko ditu Ordenantza honetako 17. artikuluan aitatutako lizentzia administratiboa eta animalia hori arriskutsuak izan daitezkeen animalien udal erregistroan izena emanda daukala egiaztatzen duen ziurtagiria.3. Etxalde, landetxe, txalet, lursail, terraza, patio edo beste edozein leku mugatutan dauden eta arriskutsuak izan daitezkeen animaliek lotuta egon beharko dute, baldin eta leku horietara sartu edo hurbildu daitezen lagunak eta animaliak babesteko besteko azalera, altuera eta itxitura egokidun lekuan ez badaude.4. Arriskutsuak izan daitezkeen animalien hazle, hezitzaile eta salerosleek animaliok edukitzeko instalazio eta baliabide egokiak izan beharko dituzte.5. Arriskutsua izan daitekeen animalia lapurtu edo galtzen bada, titularrak gertakari horren berri eman beharko dio arriskutsuak izan daitezkeen animalien udal erregistroko arduradunari, gertaeraren berri izan eta, gehienez, berrogeita zortzi orduko epea pasatu baino lehen.16. artikulua. Salbuespenak.Jabeak zenbait betekizunetatik salbuetsi ahal izango dira, baldin eta inguruabarrak kontuan izanik, halaxe komeni bada. Honako kasu hauetan gerta daiteke hori:a) Animaliok funtzio sozial batekin erabiltzen dituzten erakunde publiko edo pribatuak direnean.b) Ganadua zaintzeko, babesteko eta maneiatzeko, bai eta jarduera zinegetikoetarako ere, txakurrak erabiltzen dituzten nekazaritzako ustiategiak direnean. Txakur horiek ezingo dute 50/1999 Legean jasotako legez kontrako ekintzatan jardun.c) Lan eta kirol arloko probetan parte hartzeko aukeratu behar diren txakurrak direnean; erakunde eskudunak baimendu eta ikuskatuko ditu txakur horiek. Indarrean dagoen araudian eta Ordenantza honetan ezarritakoaren arabera, ez dira onartuko borroka eta erasoetan parte hartu behar dutenak.17. artikulua. Garraioa.Arriskutsuak izan daitezkeen animalien garraioa animalien ongizateari buruzko berariazko araudiari jarraituz egin beharko da, eta inguruabarrek eskatutako neurri prekautorioak hartu beharko dira, garraioaldian eta zamalanetan pertsonen, ondasunen eta beste animalia batzuen segurtasuna bermatzeko.
SALAKETA, IKUSKAPENA ETA KONTROLA18. artikulua. Salaketa, Ikuskapena eta kontrola.1. Ordenantza honetan jasotako betebehar eta legehausten salaketa edozein pertsonak egin ahal izango du udaletxean, salaketa infrakzioa froga dezakeen egoki eritzitako dokumentuak aportatuz. Aurkeztutako salaketen eta ordenantza honetan araututako gaien ikuskapena eta kontrola udal langile edo beste funtzionario batzuek egin ahal izango dute; eurok agintaritzaren agenteak izango dira eta akta egin ahal izango dute (non interesatuak bere desadostasuna adierazteko aukera izango duen). Akta hori interesatuari jakinaraziko zaio salaketa akta edo buletinaren bidez, eta eskumena duen udal organoari bidaliko zaio, beharrezko jotzen dituen neurriak har ditzan eta, behar izanez gero, zehapen espedientea abiaraz dezan.2. Arau-hausteak delitu edo hutsegite izan daitezkeenean, zehapena ezartzeko eskumena duen organo administratiboak jakinaraziko dizkio gertatutakoak jurisdikzio penalari, eta zehapen-prozedurarekin jarraitzeari uko egingo dio ebazpen judizial irmoa ebazten ez den bitartean eta, orduan, ordura arte etengo da preskripzio-epea.
3. Espediente administratiboen instrukzio-agintariek kontu-hartze judiziala baino lehen hartutako kautelazko neurriak indarrean egon daitezke agintari judizialen berariazko pronuntziamendurik ez dagoen bitartean. III.TITULUA: ZEHATZEKO ARAUDIA1.atala: animalien babesa19.artikulua: Arau-hausteak1.-Arau-hausteak arinak izango dira: A)ordenantza honetako eginbeharrak ez betetzea, horrek hiritarren higiene, segurtasun edota lasaitasunarentzat transzendentzia larririk ez badu.B)Zentsuan identifikaziorik gabeko konpainiako animalien jabe izatea, identifikazio hori galdagarria denean.C)Animalien garraioa, Ordenantza honetan ezarritakoa bete gabe.D)Animaliak arreta eta zaintza egokia eskaini ezin zaizkien lekuetan edukitzea.E)Animaliak euren izaerarako berezkoak ez diren jarduera edo jokabide desegokietara edo tratu laidogarrietara behartzea.F)AIEOari zentsurako identifikazioaren berri edota, ekainaren 1eko Euskal Autonomia Erkidegoan txakurrak edukitzeari buruzko 101/2004 Dekretuko 3.artikuluan jasotakoaren arabera, txakurren zentsuko identifikazioan izandako aldaketak ez jakinaraztea.2.-Arau-hauste larriak izango dira:a)Animaliak beharrezko janari, edari eta osasun laguntzarik gabe izatea edo euren beharrizan fisiologiko eta etologikoetarako espazio aldetik eta arlo higieniko-sanitarioan egokiak ez diren instalazioetan edukitzea.b)Albaitariaren kontrol gabe edo, bereziki, animaliak babesteko eta garapen arauei buruzko ekainaren 1eko 101/2004 Dekretuko 9.artikuluan ezarritakoari jarraituz animalia esterilizatzea, mutilatzea edo sakrifikatzea.d)Animaliari txertorik ez jartzea edo egin beharreko tratamendurik ez egitea.e)Baimen gabe animaliak saltzea.f)Animaliei tratu txarrak eman edo eraso egitea, alferreko sufrimendua, lesioak edo mutilazioa eraginez.g)Animaliei, zuzenean edo janarien bitartez, sufrimendua edo alferreko kalteak eragin liezazkiekeen substantziak ematea.h)Kalteak eragin ditzaketen animaliak zaindu eta babesteko beharrezko eginbidea ez izatea.i)Bide eta espazio publiko hiritarretan eta higiezin kolektiboetan alde komunetan txakurrak kontrol gabe ibiltzea, animaliaren ezaugarrietarako kate edo uhal egokiarekin eutsi gabe, edo uhal hori 2 metrotakoa baino luzeagoa izanik.j)Animalien min edo sufrimendu larri eta agerikoetarako, albaitariaren beharrezko laguntza ez eskaintzea.k)Dagokien baimen administratibo gabeko ikuskizunetan animaliak parte hartzera behartzea.l)Hiru arau-hauste arin egitea, ebazpen irmo bidez zehapena ezarri zaizkienak, zehapen-espedientearen hasi den egun aurreko 2 urteetan.m)Ekainaren 1eko 101/2004 Dekretuko 5.1 eta 2.artikuluetan ezarritakoa ez betetzea, azalerako metro koadro bakoitzean txakurrak edukitzearen ratioari buruzkoan, eta artikulu horretan aipatutako ibilgailu eta lokaletan txakurrak sartu eta egoteari buruzkoan.n)Ekainaren 1eko 101/2004 Dekretuko 7.artikuluan animaliak edukitzeko baldintza berezietara behartutako txakurrentzat ezarritako baldintza berezian ez betetzea.o)Erregistro libururik ez edukitzea.p)Erregistro liburuak guztiz bete gabe edo datu batzuen faltan edukitzea.r)CITES araudia edo aplikagarri den beste edozeinetan ezarritakoa bete gabe, animalia espezieak saldu, eduki, trafikatu, salerosi eta erakustea.s)Dekretu honetan aipatutako establezimenduak irekitzeko baimenik ez izatea, edo baimen hori iraungita izatea.t)Erregistroari ez jakinaraztea establezimenduan edo zentroan egindako aldaketak.u)Ikuskaritzaren lanari traba egitea edo lan hori egiten ez uztea.3.-Arau-hauste oso larriak izango dira:a)animalia hiltzea, agresioz edo subsantzia toxikoak eman izanaren ondorioz.b)etxe-aberea edo konpainiako animalia abandonatzea.d)Simulatu gabeko krudeltasuna, tratu txarra edo sufrimendua erakusten duten eszenak filmatzea zinema edo telebistarako.e)Baimendutako ikuskizunetan parte hartzen duten animaliei anestesia, drogak eta beste produktu batzuk ematea haiek mantsotzeko, errendimendu fisiko handiagoa erakutsi dezaten…f)Txakur-arraza arriskutsuak hazi edo gurutzatzea.g)Pozoitutako janariak bide eta espazio publikoetan uztea.h)Hiru arau-hauste larri egitea, ebazpen irmo bidez zehapena ezarri zaizkienak, zehapen-espedientea hasi den egun aurreko 2 urteetan.20.artikulua: Zehapenak edo zigorrak1.-Animaliak babesteko urriaren 29ko 6/1993 legearen arabera, animaliak babesteari buruzko arau-hausteak honako zenbateko hauek dagozkien isunekin zehatuko dira:a)Arau-hauste arinetarako isuna: 30,05€-tik 300,51€-rab)Arau-hauste larrietarako isuna: 300,52€-tik 1502,53-rad)Arau-hauste oso larrietarako isuna: 1502,54€-tik 15025,30€-ra2.-Zehapenen zenbatekoak urtero eta automatikoki gaurkotuko dira kontsumorako prezioen adierazlearen arabera, adierazle hori aurreko urteko zehapenen zenbatekoei aplikatuko zaielarik.21.artikulua: Zehapenen mailaketa1.-Isunen zenbatekoa mailakatzeko eta aurreko artikuluko 3.idatz-zatian aurreikusitako zehapenen iraupena zehazteko, honako inguruabar hauek kontuan izango dira:a)Egindako arau-haustearen transzendentzia soziala eta sanitarioa, eta eragindako kaltea.b)Legez kanpoko irabazi-asmoa agerikoa izatea eta arau-haustetik irabazitakoaren zenbatekoa.d)Arauak hausten segitzea. Zehapen-espedientea abiarazi aurreko bost urteko epean Ordenantza honetan aurreikusitako arau-hausteren bat administrazio bidezko ebazpen irmoz zehapena ezarri bada, arauak hausten segitu dela ulertuko da.e)Arau-haustearen gaitzespen-mailan eragin dezakeen beste edozein, bai aringarria bai astungarria. Horretarako, bereziki esanguratsua izango da animalien aurka erakutsitako bortxakeria haurren edota adimen-urrituen egin izana.2.-Gertakari berberak arau desberdinetan tipifikatutako arau-hauste administratibo 2 edo gehiago eragiten dituzten kasuetan, zenbateko handiena dagokion isuna ezarriko da, eta espedientea izapidetzeko eta ebazteko eskuduna zehatzeko ahala duen organoa izango da.22.artikulua: Zehatzeko eskumena nori dagokio1.- Animaliak babesteko urriaren 29ko 6/93 Legean araututako foru organoen zehatzeko eskumenaren kaltetan izan gabe, Ordenantza honetan xedatutako arauaren bat hautsiz gero, arau-hausteak udalak zehatuko ditu.2.- Indarrean dagoen legeriak udalei emandako ahalmenen barruan, alkatetza-lehendakaritza izango da arintzat tipifikatutako arau-hausteak abiarazi eta ebazteko organo eskuduna. 3.- Udal osoko bilkura izango da larritzat tipifikatutako arau-hausteak ebazteko organo eskuduna.4.- Foru organo eskuduna izango da oso larritzat tipifikatutako arau-hausteak zehatzeko organo eskuduna.5. Alkatetza-lehendakaritzaren esku utziko da larritzat tipifikatutako arau-hausteentzako zehapenak ezartzeko eskumena. 23.artikulua: Arau-hausteen eta zehapenen preskripzioa1.-Arau-hausteak arinak badira 4 hilabetetara preskribituko dute, larriak badira urte1 eta oso larriak badira 2 urtetara.2.-Preskripzio-epea arau-hauste egunetik bertatik kontatzen hasita zenbatuko da.3.-Zehapenek 5 urtetara preskribituko dute zenbatekoa 305,00€-koa edo handiagoa denean eta urte 1era zenbatekoa txikiagoa bada.4.-Zehapenen preskripzio-epea zehapena ezarri duen ebazpenak irmotasuna lortzen duen egunetik hasita zenbatuko da.Arriskutsuak izan daitezkeen animaliak24. artikulua. Arau-hausteak.1. Arriskutsuak izan daitezkeen animaliak edukitzeko araubide juridikoari buruzko abenduaren 23ko 50/1999 Legearen arabera, arau-hauste administratiboak izango dira bertan tipifikatutakoak.2. Arau-hauste oso larriak dira:a) Arriskutsua izan daitekeen animalia abandonatzea, edozein espezietakoa eta edozein txakur dela ere. Animalia abandonatutzat hartuko dira bai nahitaezko identifikazioa dutenak bai jatorria edo jabeari buruzko inolako identifikaziorik ez dutenak, betiere inor barik badabiltza.
b) Arriskutsuak izan daitezkeen txakurrak edo animaliak baimen gabe edukitzea.c) Arriskutsua izan daitekeen txakurra edo animalia edozein titulugatik saldu edo transmititzea baimenik ez duen norbaiti.d) Animaliak trebatzea, euren agresibitatea aktibatzeko edo debekatutako zerbaitetarako.e) Hartarako trebakuntza-egiaztagiririk ez daukanak arriskutsuak izan daitezkeen animaliak trebatzea.f) Arriskutsuak izan daitezkeen animaliekin lehiaketak, ariketak, erakusketak eta ikuskizunak antolatu eta eratzea, edo euretan parte hartzea, animalien agresibitatea erakusteko eratu badira.3. Arau-hauste larriak dira:a) Arriskutsua izan daitekeen animalia aske uztea edo animaliak ihes egin ez dezan edo galdu ez dadin beharrezko neurriak hartu ez izana.b) Animalia identifikatzeko eginbeharra ez betetzea.c) Erregistroko identifikazioari ezikusia egitea.d) Arriskutsua izan daitekeen txakurra leku publikoren batean aurkitzea muturreko gabe edo sokarekin lotu gabe.e) Arriskutsuak izan daitezkeen animaliak garraiatzea, 50/1999 Legeko 10. artikuluan xedatutako arauak urratuz.
f) Agintari eskudunek edo haien agenteek eskatutako datuak edo informazioa emateari uko egin edo eragozpenak jartzea, 50/1999 Legeak ezarritako funtzioak betetzen dihardutenean, edo emandako informazioa okerra izatea edo dokumentazio faltsua erakustea.4. Arau-hauste arinak izango dira abenduaren 23ko 50/1999 Legeko arauak urratzen diren kasuak, aurreko idatz-zatietan jasotakoetatik kanpo geratzen badira, batez ere honako kasu hauek:a) Arriskutsuak izan daitezkeen animaliak bide eta espazio publikoetan edukitzea, animaliok berarekin batera daramatzana edo kontrolpean dituena udal lizentzia gabe eta animaliak erregistroan inskribatu izanaren egiaztagiri gabe badago.b) Arriskutsuak izan daitezkeen txakur bat baino gehiago erabiltzea pertsonako bide eta espazio publikoetan.c) Txakur arriskutsuak edukitzea kale eta espazio publikoetan 2 metro baino luzeagoa den uhal edo kate luzagarriarekin.d) Arriskutsuak izan daitezkeen animaliak barruan dituzten instalazioetarako ezarritako segurtasun neurriak ez betetzea.e) Animaliaren osasun egiaztagiria urtero ez aurkeztea.
25. artikulua. Zehapenak.Aurreko idatz-zatian adierazitako arau-hausteei dagozkien isunak hauek izango dira:— Arau-hauste arinak, 150,25 €-tik 300,51 €-ra.— Arau-hauste larriak, 300,52 €-tik 2.404,05 €-ra.— Arau-hauste oso larriak, 2.404,06 €-tik 15.025,30 €-ra.26. artikulua. Zehapen erantsiak eta kautelazko neurriak.1. 25. artikuluan tipifikatutako arau-hausteei erantsitako zehapenak honakoa ekar dezake: Arriskutsuak izan daitezkeen animaliak konfiskatu, dekomisatu, esterilizatu edo hiltzea, establezimenduaren itxiera eta arriskutsuak izan daitezkeen animaliak edukitzeko lizentzia edo trebatzaile-egiaztagiria aldi baterako edo behin-betiko baliogabetzea.
2. Arau-hausteak delitu edo hutsegite izan daitezkeenean, eskumena duen agintaritzak animalia kentzeko erabakia har dezake agintaritza judizialak erabakia hartu bitartean, baina berehala jakinaraziko beharko zaio eskumena duen jurisdikzio-organoari horren guztiaren berri.3. Eskumena duen agintaritzak arriskutsua izan daitekeen edozein txakur kautelaz kontu-hartu eta aurreikusita daukan bilketa-zentrora eramango du, jabeak ekainaren 1eko 101/2004 Dekretuan jasotako neurriak betetzen ez baditu.
27. artikulua. Zehatzeko eskumena.1. Eusko Jaurlaritzako Nekazaritza eta Arrantza Sailak izango du eskumena trebatzeko gaitasunaren egiaztagiriarekin eta trebatzaileak prestatzeko ikastaroen homologazioarekin zerikusia duten arau-hausteetan.2. Alkatetza-lehendakaritzak izango du eskumena gainerako beste arau-hauste guztietan. Eskumen-lurraldetik kanpo geratu bada, eskumena Eusko Jaurlaritzako Nekazaritza eta Arrantza Sailak izango du.3. ATALA. Hondakinak28. artikulua. Arau-hausteak.Apirilaren 21eko 10/1998 Legearen arabera, honako hauek dira arau-hauste administratibo arinak, animaliei dagokienez:— Animalien gorozkiak uztea kale eta plaza publikoetan, haur-parkeetan, lorategietan eta, orokorrean, apaingarrirako edota pertsonen joan-etorrirako diren lekuetan.29. artikulua. Zehapenak.Aurreko artikuluan adierazitako arau-hausteak 601,01 €-ra arteko isunarekin zehatuko dira.30. artikulua. Zehatzeko eskumena.Alkatetza-lehendakaritza izango da zehapenak ezartzeko eskumena daukan organoa.4. ATALA. Osasun antolamendua31. artikulua. Arau-hausteak.Euskadiko osasun antolamenduari buruzko 8/1997 Legeko 36.2.b.1 artikuluaren arabera arau-haustea da agresioren bat eragin duen animalia albaitari ofizialak edo gaituak animalia hori behatzeko errekerimendua, eskumena duen udal organoak agindutakoa, edo hartzen diren kautelazko neurriak ez betetzea. 32. artikulua. Zehapenak.Aurreko artikuluan adierazitako arau-hausteak 3005,06 €-tik 15.025,30 €-ra bitarteko isunekin zehatuko dira, eta zenbatekoak ekainaren 26ko 8/97 Legeko 37.1 artikuluan xedatutakoaren arabera mailakatuko dira.33. artikulua. Zehatzeko eskumena.Alkatetza-lehendakaritza izango da zehapenak ezartzeko eskumena daukan organoa.5. ATALA. Ordenantzako haustea34. artikulua. Arau-hausteak.Toki jaurbidearen oinarriak arautzen dituen apirilaren 2ko 7/1985 Legeko XI. tituluan jasotakoaren babesean, gobernu lokala modernizatzeko neurriei buruzko abenduaren 16ko 57/2003 Legeak erantsitakoaren babesean, arau-haustea izango dira honako hauek:a) Ordenantza honetan bildutako eginbeharrak, debekuak edo mugak ez betetzea, arloko berariazko araudian tipifikatu ez direnak, arau-hauste arina izango dira.b) Hiriko fauna kontrolatzearekin zerikusia duten jardueretan udal zerbitzuen funtzionamenduari traba egitea arau-hauste arina izango da.c) Bide publikoan eta orubeetan hegazti, txakur, katu eta kaleko gainerako animaliei jatekoa ematea arau-hauste arina izango da.d) Animaliak edukitzearen ezaugarriei buruzko informazioa ez eman edo dokumentazioa ez erakustea, edo udal agintaritzak eskatu ondoren animalia euren esku ez uztea, ordenantza honetako 19. artikuluan ezarritakoaren arabera, arau-hauste larria izango da.35. artikulua. ZehapenakAurreko artikuluan tipifikatutako arau-hausteak honako isun hauekin zehatuko dira:— Arau-hauste oso larriak: 3000 €-ra arte.— Arau-hauste larriak: 1.500 €-ra arte.— Arau-hauste arinak: 750 €-ra arte.36. artikulua. Zehatzeko eskumena.Alkatetza-lehendakaritza izango da zehapenak ezartzeko eskumena daukan organoa.6. ATALA. Zehapen-prozedura37. artikulua. Prozedura.Titulu honetan erregulatutako arau-hauste guztietarako zehapen-prozedura administrazioen araubide juridikoaren eta administrazio prozedura erkidearen 30/1992 Legean, azaroaren 26koan, araututako zehatzeko ahalmenaren printzipioetara doituko dira eta, aurreko ataletan adierazitako xedapen bakoitzari dagokion araubidearen jatorria zein den arabera, Euskal Autonomia Erkidegoko administrazio publikoen zehatzeko ahalmenari buruzko otsailaren 20ko 2/1998 Legea ezarriko da, edo zehatzeko ahalmena erabiltzeko prozeduraren erregelamenduari onartzen duen abuztuaren 4ko 1398/1993 Errege Dekretua.38. artikulua. Prozesu penalarekin konkurrentzia.Instrukzio-egileak, prozedurako edozein unetan, uste badu instrukziopean dauden gertakariek legez kontrako izaera penala izan dezaketela, ebazteko eskumena duen organoari emango dio horren berri. Organoak bidezkotzat jotzen badu instrukzio-egilearen ustea, Ministerio Fiskalari jakinaraziko dizkio gertakari horiek, eta instrukzio-egileari eskatuko dizkio egindako jarduketei buruzko argibideak.Halaber, prozedura administratiboak biltzen dituen gertakarien gainean prozesu penala egiten ari dela jakin ondoren, Ministerio Fiskalari eskatuko zaio egindako jarduketei buruzko jakinarazpena. Bestalde, prozedura administratiboak biltzen dituen gertakarien ondoriozko gertakarien gainean prozesu penala irekita dagoenean ere, horrelako beste jakinarazpen bat eskatu zaio Ministerioari.2. Ministerio Fiskalaren jakinarazpena jasotakoan, prozedura penala ebazteko eskumena duen organoak prozedura etetea erabakiko du, harik eta epaileek behin betiko ebazpena eman arte.3. Administrazioko prozedura penala eten arren, kautelazko neurriek beren hartan jarraitu ahal izango dute, betiere bateragarriak badira prozesu penalean hartutako neurriekin. Hala ere, neurri horiek ez dira bateragarritzat joko, baldin eta kautelazko neurri penalak nahikoak badira administrazioko prozedura penalean aintzat hartutako kautelazko helburuak lortzeko.Ministerio Fiskalari jakinarazi beharko zaio kautelazko neurriak hartzeko edo beren hartan jarraitzeko egintza.4. Nolanahi ere, epaileek ebazpen irmoan frogatutzat jotako gertakariek lotu egiten dituzte organo administratiboak, bideratzen diren prozedura penalei dagokienez.
Administrazioak ofizioz berraztertuko ditu ebazpen penalean frogatutzat jotako gertakarietan oinarritzen ez diren ebazpen administratiboak, eta bat egin beharko du ofiziozko berrazterketako prozeduren arauekin.39. artikulua. Jakinarazpena AIEOari.Zehatzeko eskumena duten organoek AIEOari bidaliko diote zehapen-prozedurari amaiera emango dion ebazpenaren kopia bat.XEDAPEN INDARGABETZAILEAHonen aurkako ordenantza, erregelamendu eta udal bando guztiak indargabetuta geratzen dira.AZKEN XEDAPENAOrdenantza hau indarrean sartuko da Gipuzkoako Aldizkari Ofizialean argitaratu eta biharamunetik hasita.I. ERANSKINAIDENTIFIKATU GABEKO ANIMALIAK
UZTEKO DOKUMENTUAAnimaliak babesteko urriaren 29ko 6/1993 Legeko 16. artikuluan eta animaliak eduki eta babestea arautzen dituen udal ordenantzako 9. artikuluan ezarritakoaren arabera, animalia aldi bateko utziko zaio honako honi:Jaun/andrea: .......................................................................... NAN: ...........................................Helbidea: .............................................................................. Lurraldea: ........................................................................ Kalea: ..................................................................................................... Telefonoa: ................................... emaila: .................................. identifikaziorik ez daukan animalia hau, erregistro zk.: ............. eta ezaugarri hauek dituena:Arraza: ................................... Kapa: ................................... Kolorea: ................................... Sexua: ...................................... Gaitasuna: ................................... Gutxi gorabeherako adina: ................................... Zentrora sarrera-eguna: ........................... Behean izenpetu duenak hitz eman du animalia zaintzeko eta zentrora itzultzeko hala eskaintzen bazaio, beste hirugarren pertsonaren batek animaliaren legezko jabea dela frogatzen badu.Era berean, animaliak eduki eta babesteko udal ordenantzako 5-1 eta hurrengo artikuluetan ezarritako suposamenduetan, zentro honetara etorriko dela hitz eman du animaliari ofizioz identifikaziorako mikrotxipa ezarri diezaioten, animalia zentroan sartu den egunean kontatzen hasi eta hilabeteko epean, edo beste albaitaritza zentro edo klinikaren batean ezarri diotela egiaztatzen duen ziurtagiria aurkez dezan.........................., ...........(e)ko .........................aren ..........(a).Irakurrita eta onartuta:
(animalia utziko zaion pertsonaren sinadura)II. ERANSKINAAGRESIOA GERTATZEAN ANIMALIA BEHATZEKO DERRIGORREZKOTASUNAREN JAKINARAZPENAAnimaliak babesteko urriaren 29ko 6/1993 Legeko 11. artikuluan ezarritakoarekin bat, udalek, beste batzuen artean, gizakiren bat eraso duten animaliak isolatu edo internatzeko agindua eman behar du animalia behatua izan dadin.
Era berean, animaliak eduki eta babesteko udal ordenantzako 11. artikuluan xedatzen du lesioak eragin dituen animaliaren jabeak edo edukitzaileak jarraitu behar duen prozedura eta prozedura horri ez jarraitzeari dagokion zehapena.
Goikoarekin bat, honako hau jakinarazten zaizu:Lehenengo: Lesioa eragin duen animaliaren jabearen edo edukitzailearen datuak:
................................................................................ jaun/andrea, udalerria: ..................................................................................... kalea: ..............................................................., zk.: ................... NAN: ............................................. Tel.: .................................... Animaliaren identifikazio zk. (hartara behartuta dauden animaliak): ............................................, arraza: ..................................
Goialdean zehaztutako jabe edo edukitzaile horri jakinarazten zaizu, 24 orduko epean zuk zeuk aukeratutako albaitari ofizial edo gaitu batek animalia hamalau egunetan behatu behar duela. Behaketaldia bukatzean, 48 orduko epea izango duzu, .............................ko udaleko ..........................(a)ri albaitariaren txostena bidaltzeko.Bigarrena: Edozein argibide edo informazio gehiago
jasotzeko, jo ......................................................ko udaleko ............................(a)rengana, (helbidea) edota ........................... telefonora deitu.............................., ........(e)ko .......................aren ...........(a).Irakurrita eta onartuta:
(animaliaren jabe edota edukitzailearen sinadura)
argazkia erantsi
ITSASONDOKO UDALA
Ordenantza Fiskalak
Arauzko informazio publikorako epea inolako erreklamazio eta oharpenik gabe igaro ondoren, finko eta behin betikotzat jotzen dira Udalbatzarrak 2008ko urriak 27an eginiko osoko bilkuran 2009ko urtarrilaren 1ean indarrean sartuko diren Ordenantza Fiskalak aldatzeko hasierako izaeran onartutako erabakiak ondorengo hauxe delarik:
Ordenantza Fiskalaren 1. Eranskina Aldatzea, Trakzio Mekanikoko Ibilgailuen gaineko Zerga arautzen duena.
ERANSKINA
Tarifak segidan zehazten diren inporte hauetan ezartzen dira:
Potentzia eta ibilgailu mota Euro
a) Turismoak:
9 z. fiskal baino gutxiagokoak ....................... 25,76
9tik 11,99 z. fiskaletara bitartekoak ............... 64,86
12tik 13,99 z fiskalera bitartekoak ................. 113,54
14tik 15,99 z fiskalera bitartekoak ................. 143,66
16tik 19,99 z fiskalera bitartekoak ................. 179,07
20 z. fiskaletik gorakoak ............................... 206,28
b) Autobusak:
21 plaza baino gutxiagokoak ......................... 142,61
21etik 50 plaza bitartekoak ........................... 225,77
50 plazatik gorakoak .................................... 296,21
c) Kamioiak:
1.000 kg. baino gutxiagoko karga erabil ......... 72,42
1.000 tik 2.999 kg. bitarteko karga erabil. ...... 158,43
2.999 9.999 bitarteko karga erabil. ................ 236,97
9.999 kg. tik gorako karga erabilgarrik. .......... 296,21
d) Traktoreak:
16z. fiskaletik beherakoak ............................ 30,25
16etik 25z. fiskaletara bitartekoak ................. 52,81
25z. fiskaletik gorakoak ................................ 166,38
e) Trakzio mekanikozko ibilgailuak garraiaturiko
atoi eta erdi-atoiak:
1.000 kg. kargfa baliagarritik beherako eta 750 kg
gorakoak ................................................. 30,25
1.000tik 2.999 kg. bitarteko karga erabil. ....... 52,81
2.999gorakoak ............................................. 166,38
f) Gainerako ibilgailuak:
Ziklomotoreak ............................................. 8,36
125 zk. rainoko motozikletak ......................... 8,36
125etik 250 xkra. bitarteko motozikletak ........ 14,38
250etik 500 xkra. bitarteko motozikletak ........ 30,19
500etik 1.000 zk.ra bitarteko motozikletak ...... 60,56
1.000 zk.tik gorako motozikletak ................... 121,05
Ordenanza arautzailea 1989ko irailaren 28an behin betiko onetsirik izan zen eta onartutako ordenantzaren testu osoa 1989ko abenduaren 30eko Gipuzkoako Aldizkari Ofizialean argitaratu zen.
Ondasun Higiezinen gaineko zerga arautzen duen 1. Eranskina Aldatzea.
Eranskinaren aldaketa:
Landalur Ondasun Higiezinen gaineko Zergari aplikagarri zaion karga tasa %0,80koa da.
Hirilur Ondasun Higiezinen gaineko zergari aplikagarri zaion karga tasa.
a) Industria edo zerbitzu erabilerako lurzoruan dauden ondasun hiritarrentzat: %0,52.
b) Gainerako ondasun hiritarrentzat: %0,174
Ordenanza arautzailea 1989ko irailaren 28an behin betiko onetsirik izan zen eta onartutako ordenantzaren testu osoa 1989ko abenduaren 30eko Gipuzkoako Aldizkari Ofizialean argitaratu zen.
Ordenantza Fiskalaren eranskina aldatzea, Jabari Publikoaren erabilera pribatibo edo probetxamendu bereziagatik ordaindu beharreko tasak arautzen dituena:
Indarrean dagoen Ibi tasa aldatzea honako tarifa hauetara:
Ibilgailu batentzako edukiera duten garajeak 9 eurotako urteko tasa.
Ibilgailu bat baino gehiagoko edukiera duten edifiziotan, garajeak duen ibilgailu plaza kopuruengatik bikoiztuta kalkulatuko da ordaindu beharreko tasa.
Jabari publikoaren erabilera pribatiboa edo probetxamendu bereziaren tasen Ordenantza Arautzailea 1998ko urriaren 1ean behin betikoz onetsirik izan zen eta aipatu ordenantzaren testu osoa 1998ko abenduaren 23ko Gipuzkoako Aldizkari Ofizialean argitaratu zen.
Ordenantza Fiskalaren Eranskina Aldatzea, Zerbitzu Publikoak Eskaintzeagatik eta Administrazio Ekintzak Egitegatiko Tasak arautzen dituena.
Lurzoruari eta hiri antolaketari buruzko legeak exigitutako hirigintzako baimenak ematearen tasa aldatzea %4,5eko igoera aplikatuz honako hauetara.
6.010 euro bitarteko aurrekontua duten obrak 25 eurotako tasa ordaindu beharko dute.
6.011 eurotik 30050 eurotara bitarteko aurrekontua duten obrak 125 eurotako tasa ordaindu beharko dute.
30051 eurotik gorako aurrekontua duten obrak 250 eurotako tasa ordaindu beharko dute.
Establezimenduak irekitzeko tasa aldatzea %4,5 igoera aplikatuz honako hauetara:
Sailkatuak Sailkatu gabeak
Industriak ....................................... 880,00 692,00
Merkatalak, zerbitzuak, hostalaritza .. 528,00 396,00
Gasezko berogailua jartzea .............. 98,00 49,00
Iharduerarik gabeko biltegiak ........... 396,00 219,00
Nekazaritza eta abeltzaintzakoak ...... 110,00 75,00
Ur hornidura tasa igotzea %8ko portzentaian honako hauetara:
Euro
Etxebizitzetan:
Ur kontsumoa m³ bakoitzeko......................... 0,49
Azpiegiturak finantziatzeko kanona fijoa, hiruhila-
betean .................................................... 2,38
Azpiegiturak finantziatzeko kanona, m³ .......... 0,21
Kontadorearen kontserbazioaren urteko kuota ........ 10,00
Hiruhilabeteko gutxiengoa 15 m³ fijatzen da.
Industria, taberna, komerzio e.a.
Ur kontsumoa m³ bakoitzeko ........................ 0,97
Azpiegiturak finantziatzeko kanona fijoa hiruhilabe-
tean ........................................................ 4,75
Azpiegiturak finantziatzeko kanona m³ bakoitzeko 0,42
Kontadorearen kontserbazioaren urteko kuota ........ 20,00
Hiruhilabeteko gutxiengoa 15 m³ fijatzen da.
Zabor bilketa zerbitzuko tasak igotzea %15eko portzentaian honako hauetara:
Euro
Urteko tasa ................................................. 69,00
Hirigunetik urrun dauden baserriak. Urteko tasa 31,50
Lokal komerzial, ileapaindegiak. Urteko tasa .. 69,00
Industria, almazen. Urteko tasa ..................... 250,00
Merkatal edo industri Iharduera ezarri gabe industrial
guneetan kokaturik dauden pabeloiak. Urteko
tasa ........................................................ 126,00
Taberna, jatetxe, elkarte, pentsio e.a. Urteko tasa
............................................................... 313,00
Talleres Jaso S.A. Urteko tasa ..................... 1.882,00
Estolderiko tasak igotzea honako hauetara:
Euros
Inspekzio tasa .............................................. 1,35
Inspekzio eta kontserbazio tasa ..................... 9,00
Hileta zerbitzuen eta Udal hilerrian emakidak eman eta erabilera pribatiboak ematea.
Hileta zerbitzuei eta Udal hilerrian emakidak eman eta erabilera pribatiboak ematearen tasaren aldaketa %4,5ko portzentaian honako hauetara:
Euros
A) Hilobi erabilpena 10 urtetarako baimen ematea.
Gurutzea ..................................................... 3,68
Plaka .......................................................... 286,00
Idatzia hizkiko .............................................. 1,75
Kontzesioa .................................................. 96,81
Grabatua 1. eranskina .................................. 122,11
Grabatua 2. eranskina .................................. 77,41
Argazkia ..................................................... 79,60
B) Gorpuzkien kaxen 25 urtetarako uztea.
Kasa ........................................................... 82,00
Poltsa ......................................................... 7,23
Plaka .......................................................... 70,96
Lorontzia ..................................................... 51,88
Idatzia (hizkiko) ........................................... 1,75
Gurutzea ..................................................... 3,57
Kontzesioa .................................................. 144,07
C) Gorpuzkien kaxen uztea, epe osoa baino labu-
rragoa izaten bada, tasa, proportzionalki aterako da.
4.2. Hobiratze eta desobiratze lanak
a) Gorpuaren hobiratzea.
Herritarra denean ........................................ 57,63
Kanpotarra .................................................. 96,12
b) Gorpuaren hobiratzea panteoian .......... 182,60
c) Doakionaren eskaeraz, gorpuzkien kaxara
zuzentzeko desobiratzea ............................... 57,63
d) Beste hilerri batetara eramateko ......... 96,12
e) Gainontzeko desobiraketak ezer ere ez.TXAKURREN ORDENANTZA Iragarkia I.Titulua: Xedea, aplikazio-eremua eta definizioakII.Titulua: Animaliak edukitzearen araubide juridikoa 1.kapitulua: izaera orokorreko arauak 2.kapitulua:Arriskutsuak izan daitezkeen animaliei buruzko berariazko xedapenakIII.Titulua: Zehatzeko araudia 1.Kapitulua: Animalien babesa 2.Kapitulua: Arriskutsuak izan daitezkeen animaliak
2. Etxekotutako animaliatzat hartuko dira basoan eta aske jaio arren gizakiok ikustera eta gizakiok lagun izatera ohituta daudenak, eta orain bizirik irauteko gizakiaren laguntasuna ezinbestekoa dutenak.3. Itxian hazitako basa-animaliatzat hartuko dira basoan edo itxian jaio arren gatibualdiko baldintzapean bizi izan direnak, eta ez, gero etxekotuak izan daitezen, ikaskuntzarako baldintzapean.4. Arriskutsuak izan daitezkeen animaliatzat hartuko dira basatiak izanik etxe-abere gisa edo konpainiako animalia gisa erabiltzen direnak eta, agresibitatea kontuan hartu gabe, gizakiak edo beste animalia batzuk hiltzeko edo gauzei kalteak eragiteko gaitasundun espezie edo arrazatakoak direnak.
Arriskutsuak izan daitezkeen animaliatzat hartuko dira, baita ere, erregelamenduz zehaztutako etxe-abereak edo konpainiakoak eta, bereziki, ekainaren 1eko 101/2004 Dekretuko I. eta II. eranskinetan zehaztutako txakur-espezieetakoak, eta bertako 10.1.c) artikuluan izaera horretakotzat izendatutakoak.
5. Ustiapen-animaliatzat hartuko dira, giza ingurunera egokituak izan ondoren, gizakiari esker bizirik irauten dutenak, betiere irabaziak lortzeko helburuarekin, bai animaliekin eurekin bai animalioi esker lortutako ekoizpenekin.6. Edukitzeko baldintza berezipeko txakurtzat hartuko dira beraien ezaugarri etologikoengatik etxean eduki ahal izateko udal agintaritzak baldintza bereziduntzat izenda ditzakeen txakurrak. II.Titulua: Animaliak edukitzearen araubide juridikoa1.kapitulua: izaera orokorreko arauak4.artikulua:a)Animaliaren bat duenak higiene eta osasunezko baldintza egokietan eduki beharko du, aterperako leku egokian jarriz, janaria eta edaria emanez, albaitariaren sorospena eta gorputz ariketak egiteko aukera eskainiz eta bere espezie eta arrazaren behar fisiologiko eta etiologikoei dagokien moduko arreta eskainiz.2. Bereziki, animalien mantenurako gutxieneko baldintza hauek ezarri dira:a) Edateko ur eta elikagai nahikoa eta orekatua ematea, nutrizio eta osasun maila egokia izan dezan.
b) Espazio, aireztapen, hezetasun, tenperatura, argitasun eta aterpe egokia eta beharrezkoak eskaintzea, animaliak inolako sufrimendurik izan ez dezan eta bizitzeko premiei erantzuteko aukera edukitzeaz gain ongizateaz goza dezan.c) Bizilekuak garbi, desinfektatuta eta desintsektatuta edukitzea, gorozkiak eta gernua aldian-aldian garbituz.
d) Ibilgailu batek ezin du animaliaren ohiko bizitokia izan.e) Animaliak ibilgailu pribatuan garraiatzeko ezinbestekoa izango da animalientzat nahikoa espazio izatea, aire libretik babestuta, animaliak gidariaren jardunari inolako trabarik egin gabe, trafiko-segurtasuna arriskuan jarri gabe eta ikuspuntu etologiko edo fisiologikotik animaliarentzat baldintza desegokirik gabe.f) Aparkatutako ibilgailuren baten barruan animaliaren bat utzi bada, ibilgailuak ezin izango ditu egin 4 ordu baino gehiago aparkatuta eta, udan, ahal bada gerizpetan utzi beharko dira, beti ondo aireztatuta. g) Abereei jaten eman eta gaua beraiekin pasatzen duena animalia horien jabea kontsideratua izango da.h) Debekatua dago:-Animaliei tratu txarra ematea edo arrazoirik gabeko oinaze edo mina eta larritasuna zor diezaiekeen edozer gauza egitea.-Abandonatzea-Bizi ahal izateko behar duten janaria ez ematea edo higiene edo eta osasunaren ikuspuntutik egokiak ez diren tokietan edukitzea.-Animaliei mozketak egitea salbu albaitariak egiten dituenak.-Alkohola, drogak edo farmakoak ematea.-Kalean animaliak hiltzea, behar-beharrezkoak den kasuetan izan ezik.Debekatua dago baita ere:-14 urtez beherakoei edo ezinduei animaliak saltzea, ematea edo uztea, haien agintea duen gurasoen edo zaintza duen pertsonaren baimenik gabe.-Animalien kalez kaleko salmenta, baimenduak dauden merkatuetatik kanpo-Animaliak laborategi edo klinikei saltzea administrazioaren kontrolik gabe.-Animaliak salmentak bultzatzeko sari edo ordain gisa ematea, animalien ordainbidezko eskualdaketaren ondorio diren negozio juridikoak salbu.5.artikulua: Animalien identifikazioaa)Txakurren jabe edo edukitzaileak behartuta daude animaliok identifikatuta eta ohiko bizileku duten udalerriko udaletxeetan erroldatuta edukitzera; horretarako 1 hilabete izango dute, animalia jaio den edota eskuratu duten egunetik kontatzen hasita. Betebeharra udalerrian modu iraunkorrean bizi diren edo 3 hilabete baino gehiago daramatzaten animalien jabeak izango dute.
b)Identifikaziorako, txakurren lepoaren ezkerraldean mikrotxipa edo osagai elektroniko bat jarriko dio albaitari ofizialen batek, foru edo udal albaitariak, edo animalia txikientzat gaitutako albaitari pribatuak. Inplantazio hori Nekazaritza eta Arrantza sailburuaren 1993ko maiatzaren 5eko aginduan ezarritakoari jarraituz egingo da. Animalia identifikatzerakoan, albaitari ofizial edo gaitu jarduleak Kartilla Ofiziala eta animaliaren identifikaziorako agiri bat beteko ditu, eta 1993ko maiatzaren 5eko Aginduaren arabera sortutako Euskal Autonomia Erkidegoko Animaliak Identifikatzeko Erregistro Orokorrean (AIEO) erregistratzeko eskabidea egingo du. Agiri hori eskuragarri izango dute interesatuek albaitari ofizialen edo gaituen bulegoetan. Ale bat lanean diharduen albaitariaren eskuetan egongo da, eta beste bi ale animaliaren jabeari emango zaizkio; aleetako bat Eusko Jaurlaritzako Nekazaritza eta Arrantza Sailera bidali beharko du, NANaren fotokopiarekin batera, datuak AIEOan sartu ahal izateko.
c)Animalien jabeak Euskal Autonomia Erkidegoko Animaliak Identifikatzeko Erregistro Orokorrari, AIEO-ri jakinarazi behar dio erregistro horretako datuetan izandako edozein aldaketa, hauetakoren bat aldatu denean:-Jabeari edo txakurrari buruzko datuen aldaketa.-Jabe aldaketa-Animaliari baja ematea, hil egin delako edo EAE-tik kanpo eraman delako behin betiko.-Animalia galdu egin delako edo lapurtu egin delako. 10 eguneko epean eman beharko da honen berri, baina animalia galdu edo lapurtu egin badu orduan 5 egunekoa izango da epea, galtze edo salaketa egunetik zenbatzen hasita.6.artikulua: edukitzeko baldintzakHiriko bide eta leku publikoetan txakurrak kontrolpean eta uhal batez loturik eduki behar dira. Uhalak egokia izan behar du animaliaren ezaugarrietarako, eta gehienez 2 m luze izan daiteke.Txakurra daukana edo txakurraz baliatzen dena izango da txakurrak eragindako kalte, galera edo eragozpenen erantzulea, nahiz eta txakurrak ihes egin edo galdu, KZ-aren 1905.artikuluan xedatutakoaren arabera.Txakurrek beren gorozkiekin herriko espaloi, bide, parke edo gainerako berdeguneak ez zikintzeko erantzukizuna beraien jabeek dute. Dena den, txakur jabeak, txakurrak aipatutako leku horietan egiten dituzten gorozkiak jaso egin behar ditu berehala. Idatz-zati honetan ezarritakoa betetzen ez dena arau-hauste arintzat joko da hondakinei buruzko apirilaren 21eko 10/1998 Legean, 34-4-c) artikuluan ezarritakoaren arabera. Hori guztia, aipatutako legeak baimendutako neurri osagarriak erabakitzeko aukeraren kaltetan izan gabe. Erroldatua edota erregistratua egon behar duen animaliaren edukitzaileak berak, edo berorrek baimendutako norbaitek salatu behar du, hala balitz, animalia galdu izana.7.artikulua: animaliak edukitzeko mugaka)Izaera orokorrarekin, baimenduta dago etxe-abereak edo etxekotutakoak ohiko bizilekuan edukitzea.b) Eskumendun udal agintaritzak mugak jarri ahal izango dizkio animaliak edukitzeko baimenari edota eduki ahal den animalia-kopuru maximoari, animalion bizitokiaren ezaugarriak, instalazioen egokitasuna, eta higiene eta osasun baldintzak kontuan hartuta, eta auzokoentzat edo beste edozeinentzat, edo animaliarentzat berarentzat edo beste batzuentzat, egoera arriskutsu edo eragozpenen bat eragin dezaketen kasuetan.8.artikulua: abandonatutako animaliakAbandonatutako animalitzat hartuko da jatorriaren eta jabearen inolako identifikaziorik gabe egoteaz gain bakar-bakarrik dabilena, edo identifikazioa aldean eraman arren jabeak edo baimenduta dagoen pertsonak animalia galdu izana salatu ez duena. 9.artikulua: nola jardun animalia abandonatuen kasuan1.-Administrazioak bilduko ditu abandonatutako animaliak, horretarako zerbitzu propioaren edo itundutako bat erabiliz. Animalia atzeman eta garraiatzeko erabilitako baliabideen higiene eta osasun baldintzek egokiak izan behar dute eta ez diote animaliari alferreko sufrimendurik eragingo.2.-Aurreko puntuan aipatutako animalia horiek animaliak biltzeko zentroan egongo dira legeak ezarritako epean. Jabeak animalia berreskuratu nahi izango balu, jabea dela egiaztatzeaz gain, animaliaren mantenua eta egonaldiagatiko gastuak ordaindu beharko ditu.Animaliaren osasun egoerak, arriskugarritasunak edo sufrimenduak hala eskatzen duten kasuetan, aipatutako zerbitzuko albaitariaren iritzia kontutan izanda, epea behar beste laburtu ahal izango da.3.-Epe hori agortu ondoren, identifikatu gabeko animalia inork berreskuratu ez badu, honako neurriren bat hartu ahal izango da: animalia jabetu, animaliaren osasun egoera administratiboa erregula dezanari utzi edo, azken aukeran, sakrifizio eutanasiakoa gauzatu.Edozein unetan, konpainiako animalien zaintza beste pertsona fisiko edo juridiko batzuen esku utzi ahal izango da behin-behingoz.4.-Animalia identifikatua badago, jabeari jakinaraziko zaio, froga eta guzti, animalia jaso edota hartu egin dela, eta jabeak 7 egun baliodun izango ditu animalia berreskuratzeko, animalia zentro horretan edukitzeak eragin dituen gastuak ordaindu ondoren. Epe hori igarota eta jabeak animalia berreskuratu ez badu, aurreko idatz zatian aurreikusitakoa egingo zaio animaliari.5.-Animalia hiltzeko, kontzientzia berehala galaraziko dion prozeduraren bat erabiliko da, inolako sufrimendurik eragiten ez duena, albaitari baten kontrol eta erantzukizunpean. 10.artikulua: Nola jardun animaliak eraso egin badu1. Animalia batek norbait eraso izanaren salaketa jaso edo horren berri daukan udal zerbitzuak erasoa egin duen animaliaren edota haren jabea identifikatzen lagunduko duen datu oro bilduko du salatzailearengandik edo gertakarien jakinarazpena egin duenarengandik, eta berehala jarriko ditu datu horiek administrazio-espedienteaz arduratuko den agintaritzaren eskuetan, alegia, txakurra erroldatuta dagoen eta, halakorik ezean, jabea bizi den udalerriko udalaren eskuetan, eta dokumentazio guztia udal horretara eramango da.2. Erasotzerakoan hozka egin badu eta horrek lesioren bat sortu badu, erakunde eskudunak espedientea ireki dela jakinaraziko die Osasun Saileko Zaintza Epidemiologikoko Unitateari eta foru aldundietako abere osasuneko zerbitzuei.Lesioak eragin dituen animaliaren jabeak 24 ordu izango ditu animalia berak aukeratutako albaitari ofizial edo gaitu batengana eramateko; animaliak, txakurra bada, behaketan egon beharko du hamalau egunez, baina egun-kopuru hori aldatu egin ahal izango da beste animalia batzuen kasuan edo unean uneko baldintza epizootiologikoek hala gomendatzen badute, betiere, txosten tekniko batek hartarako arrazoiak ematen baditu. Hozka egin eta 24 orduen epe hori igaro, eta jabeak txakurra albaitariarengana borondatez eraman ez badu, eskumena duen udal agintaritzak eraman dezan eskatuko dio, eta animaliak jasotzen dituen zentro batean sartzeko edota isolatzeko agindu ahal izango du (II. Eranskina). Errekerimendu hau ez betetzea arau-hauste larria izango da ekainaren 26ko 8/1997 Legeko -Euskadiko Antolamendu Sanitarioa- 36.2.b.1 artikuluan jasotakoari jarraituz, eta han esandakoa bermatzeko kautelazko neurriak hartzearen kaltetan izan gabe. Dena den, egindako txostenaren edo egiaztagiriaren kostua animaliaren jabeak edota edukitzaileak ordaindu beharko du. Animaliak jabe edo edukitzaile jakinik izango ez balu, gertakarien berri jaso duen udal zerbitzua arduratuko da animalia jaso eta behaketan jartzeaz. Behaketaren berri eman beharko dio espedientea tramitatzeko eskumendun udalari gertaerak izan eta 72 orduko epea baino lehen.Albaitariak behaketa egingo du zoonosia izateko arriskua dagoen ala ez ikusteko eta animaliaren izaera arriskutsua izan daitekeen ala ez ebaluatzeko eta, III. eranskinean dagoen ereduari jarraituz, emaitzari buruzko egiaztagiria/txostena bidali beharko du. Jabeak edota edukitzaileak, behin animaliari behaketa egin zaionean, 48 ordu izango ditu albaitariaren egiaztagiria/txostena bidaltzeko espedientea izapidetzen ari den udalari —lehen paragrafoan adierazitakoari—, udal horrek espedientean sar dezan. Udalak, dagokion foru aldundiko Abeltzaintza Zerbitzura eta Osasun Saileko Zaintza Epidemiologikoko Zerbitzura bidali beharko du kopia bat. Behaketa hori egin ondoren arrisku sanitarioa dagoela ikusten bada, horretan diharduen administrazioak txakurra zentro batean sartzeko edota isolatzeko edo, egoera horretan egonez gero, berdin jarraitzeko agindua eman dezake.3. Erasotzerakoan hozkadarik egin ez bada, jabeak edo edukitzaileak berak nahi duen albaitari ofizial edo gaitu batengana eraman beharko du txakurra; albaitariak animaliaren izaera arriskutsua den ala ez ebaluatuko du nahi duen denboran, eta egiaztagiri bat emango du. Jabeak espedientea izapidetuko duenari bidali beharko dio egiaztagiri hori.
11.artikulua: salbuespenak1.-Orain arteko artikuluetan xedatutakoa kontutan hartu behar den arren, itsu-txakurren laguntzarekin dabiltzan ikusmen urriko pertsonek sartu ahal izango dute txakurra leku, ostatu, establezimendu, lokal eta garraio publikoetara. Erreferentziazko establezimenduen artean daude ospitale publiko zein pribatuak, bai eta osasun laguntzarako beste zentro guztiak ere.2.-Ikusmen urriko pertsonak, aldez aurreko errekerimenduz, animalia itsu-txakurra dela egiaztatzen duen agiria erakutsi beharko du, eta dagozkion osasun errekerimenduak betetzen dituela egiaztatzen duena ere bai.3.-Itsu-txakurrak gaixotasun, agresibitate, garbitasun eza edo, orokorrean, herritarrentzako arriskutsua izateko itxurarik badu, ezin izango du aurreko artikuluan zehaztutako lekuetara sartu. 2.KAPITULUA: ARRISKUTSUAK IZAN DAITEZKEEN ANIMALIEI BURUZKO BERARIAZKO XEDAPENAK.12.artikulua: araubide orokorraTxakurrentzat aplikatzekoak dira Euskal Autonomia Erkidegoan txakurrak edukitzeari buruzko uztailaren 1eko 101/2004 Dekretuan, arriskutsuak izan daitezkeen animaliak edukitzeko araubide juridikoari buruzko abenduaren 23ko 50/1999 Legea garatzen duen martxoaren 22ko 287/2002 Errege-Dekretuan, eta aplikagarri diren beste araubide guztietan jasotakoak, eta aurreko tituluetan jasotakoa eta, bereziki, identifikazioari eta erregistroari dagokion guztia. 13. artikulua: Lizentzia1. Arriskutsuak izan daitezkeen animaliak edukitzeko araubide juridikoari buruzko abenduaren 23ko 50/1999 Legearen babesean animalia arriskutsutzat sailkatutako edozein animalia eduki ahal izateko, administrazio-lizentzia lortu behar da, eskatzailea bizi den udalerriko udalak emango duena edo, bestela, salerosketa edo txakurraren trebakuntza egin deneko udalak –bizi den udalean horren berri eman ondoren–, betiere aurrez, gutxienez honako betekizun hauek betetzen direla egiaztatu ondoren:
a) Adinez nagusi izatea.b) Hilketa, lesio edo torturengatiko, askatasunaren edo osotasun moralaren, sexu-askatasunaren eta osasun publikoaren aurka egiteagatiko, edo talde armatu edo narkotrafikatzaile batekin lotura izateagatiko delituengatik kondenatua ez izatea, eta ebazpen judizial batek arriskutsuak izan daitezkeen txakurrak edukitzeko eskubidea kenduta ez izatea.c) Arriskutsuak izan daitezkeen animalien araubide juridikoari buruzko abenduaren 23ko 50/1999 Legearen 13.3 artikuluan adierazitako zehapen osagarririk jaso ez izana, arau-hauste larria edo oso larria egin izanagatik. Lizentzia denbora baterako kendu izanak ez du esan nahi, hala ere, lizentzia gehiago eskuratzerik edo berritzerik izango ez denik; hori bai, lizentzia eskatzerakoan, osorik beteta izan behar da aurreko zehapena, alegia, lizentziarik gabe egon beharreko aldiak bukatuta egon behar du.d) Arriskutsuak izan daitezkeen animaliak eduki ahal izateko ahalmen fisikoa eta gaitasun psikologikoa izatea.e) Hirugarren batzuentzako kalteengatiko erantzukizun zibileko asegurua formalizatuta izatea, estaldura ehun eta hogei mila eurotik (120.000) gorakoa izanik.Arriskutsuak izan daitezkeen txakurren jabeek, ekainaren 1eko 101/2004 dekretuko 13-3-e) eta 12. artikuluetan jasotakoarekin bat, aurreko idatz-zatian ezarritako baldintzapeko asegurua formalizatzeaz gain, animalia identifikatzen den egunetik hasita hamar eguneko epean kontratatu beharko dute aseguru hori, dagokion erregistroan sartu baino lehen.Aseguru hori beste aseguru batzuen barruan egon daiteke, baina edozein kasutan ere, kontratazioak egiaztagiri baten bidez onetsita egon beharko du, aipatutako 101/2004 dekretuko III. eranskinean jasotako ereduaren araberakoaren bidez. Egiaztagiria aseguru-konpainiak egindakoa izango da. Bertan, aseguruak babestutako txakurraren identifikazioari berariazko erreferentzia egingo zaio eta aseguruaren efektu-data eta mugaeguna zehaztuko dira.Txakurraren jabearen ardura izango da animalia bizi den artean erantzukizun zibilerako aseguru horren babespean edukitzea eta asegurua indarrean mantentzea, horretarako beharrezko berritzeak eginez, hala behar denean.f) 1. idatz-zati honetako b) eta c) paragrafoetan ezarritako betekizunak dagozkien erregistroek egindako egiaztagiri negatiboen bidez erakutsiko da. Ahalmen fisikoa eta gaitasun psikologikoa lehen ere aipatutako martxoaren 22ko 287/2002 Errege Dekretuan xedatutakoari jarraituz lortutako ziurtagirien bidez egiaztatuko dira.
2. Lizentzia administratiboa, interesatuaren eskariz, alkatetzak eman edo berrituko du, 50/1999 Legean xedatutakoari jarraituz, aurreko idatz-zatian ezarritako betekizunak egiaztatu ondoren.3. Lizentzia bost urterako izango da eta berritu egin ahal izango da iraupen bereko segidako aldikadatan. Hala ere, lizentziaren indarraldia galdu egingo da aurreko idatz-zatian ezarritako edozein betekizun betetzen ez denean. Lizentzian ageri diren datuetako edozein aldatzen bada, titularrak alkatetzari jakinarazi beharko dio aldaketa gertatzen den egunetik zenbatzen hasita hamabost egun baino lehen.
4. Bide judiziala edo administratiboa erabiliz emandako administrazio-lizentzia bati kautelazko neurriak ezartzen bazaizkio edo lizentzia hori kentzen bada, ez da izango beste lizentzia berririk ematerik edo lizentzia bera berritzerik, harik eta egoera hori aldatu arte.5. Artikulu honetako 1. paragrafoan eskatutako betekizunak bete gabe emandako lizentziek ez dute inolako baliorik izango eta, beraz, titularrak ez duela lizentziarik ulertuko da.
14. artikulua. Arriskutsuak izan daitezkeen animalien erregistroa.1. Lizentziaren titularrari dagokio txakurra arriskutsuak izan daitezkeen animalien udal erregistroan sartzeko eginbeharra, lizentzia eskuratu eta hurrengo egunetik zenbatzen hasita, hamabost eguneko epean.2. Arriskutsuak izan daitezkeen animalien udal erregistroari jakinarazi beharko zaio animaliaren salmenta, eskualdaketa, dohaintza, lapurreta, heriotza edo galeraren berri, hala jasota utziz dagokion erregistro-orrian.3. Arriskutsua izan daitekeen animalia Euskal Autonomia Erkidegotik kanpoko beste udalerri batera lekualdatzeko, betiko edo hiru hilabetetik gorako aldikadarako, jabeak ezinbestean egin beharko ditu dagozkion inskripzioak udal erregistroetan.4. Animaliaren titularrak artikulu honetan agindutakoa betetzen ez badu, dagokion zehapen administratiboa egingo zaio, 50/1999 Legeko 13. artikuluan xedatutakoari jarraituz.
15. artikulua. Segurtasun neurriak.1. Arriskutsuak izan daitezkeen animalien jabe, hazle edo edukitzaileek indarrean dagoen legerian hiritarren segurtasunerako ezarritako arau guztiak betetzera derrigortuta daude, animalia horien eta gizakion arteko elkarbizitzarik hoberena bermatzeko xedez eta biztanleriari ahalik eta eragozpen gutxien eragiteko.2. Arriskutsuak izan daitezkeen animaliak leku edo espazio publikoetan egoteko animaliok daramatzanak eta kontrolatzen dituenak aldean eraman beharko ditu Ordenantza honetako 17. artikuluan aitatutako lizentzia administratiboa eta animalia hori arriskutsuak izan daitezkeen animalien udal erregistroan izena emanda daukala egiaztatzen duen ziurtagiria.3. Etxalde, landetxe, txalet, lursail, terraza, patio edo beste edozein leku mugatutan dauden eta arriskutsuak izan daitezkeen animaliek lotuta egon beharko dute, baldin eta leku horietara sartu edo hurbildu daitezen lagunak eta animaliak babesteko besteko azalera, altuera eta itxitura egokidun lekuan ez badaude.4. Arriskutsuak izan daitezkeen animalien hazle, hezitzaile eta salerosleek animaliok edukitzeko instalazio eta baliabide egokiak izan beharko dituzte.5. Arriskutsua izan daitekeen animalia lapurtu edo galtzen bada, titularrak gertakari horren berri eman beharko dio arriskutsuak izan daitezkeen animalien udal erregistroko arduradunari, gertaeraren berri izan eta, gehienez, berrogeita zortzi orduko epea pasatu baino lehen.16. artikulua. Salbuespenak.Jabeak zenbait betekizunetatik salbuetsi ahal izango dira, baldin eta inguruabarrak kontuan izanik, halaxe komeni bada. Honako kasu hauetan gerta daiteke hori:a) Animaliok funtzio sozial batekin erabiltzen dituzten erakunde publiko edo pribatuak direnean.b) Ganadua zaintzeko, babesteko eta maneiatzeko, bai eta jarduera zinegetikoetarako ere, txakurrak erabiltzen dituzten nekazaritzako ustiategiak direnean. Txakur horiek ezingo dute 50/1999 Legean jasotako legez kontrako ekintzatan jardun.c) Lan eta kirol arloko probetan parte hartzeko aukeratu behar diren txakurrak direnean; erakunde eskudunak baimendu eta ikuskatuko ditu txakur horiek. Indarrean dagoen araudian eta Ordenantza honetan ezarritakoaren arabera, ez dira onartuko borroka eta erasoetan parte hartu behar dutenak.17. artikulua. Garraioa.Arriskutsuak izan daitezkeen animalien garraioa animalien ongizateari buruzko berariazko araudiari jarraituz egin beharko da, eta inguruabarrek eskatutako neurri prekautorioak hartu beharko dira, garraioaldian eta zamalanetan pertsonen, ondasunen eta beste animalia batzuen segurtasuna bermatzeko.
SALAKETA, IKUSKAPENA ETA KONTROLA18. artikulua. Salaketa, Ikuskapena eta kontrola.1. Ordenantza honetan jasotako betebehar eta legehausten salaketa edozein pertsonak egin ahal izango du udaletxean, salaketa infrakzioa froga dezakeen egoki eritzitako dokumentuak aportatuz. Aurkeztutako salaketen eta ordenantza honetan araututako gaien ikuskapena eta kontrola udal langile edo beste funtzionario batzuek egin ahal izango dute; eurok agintaritzaren agenteak izango dira eta akta egin ahal izango dute (non interesatuak bere desadostasuna adierazteko aukera izango duen). Akta hori interesatuari jakinaraziko zaio salaketa akta edo buletinaren bidez, eta eskumena duen udal organoari bidaliko zaio, beharrezko jotzen dituen neurriak har ditzan eta, behar izanez gero, zehapen espedientea abiaraz dezan.2. Arau-hausteak delitu edo hutsegite izan daitezkeenean, zehapena ezartzeko eskumena duen organo administratiboak jakinaraziko dizkio gertatutakoak jurisdikzio penalari, eta zehapen-prozedurarekin jarraitzeari uko egingo dio ebazpen judizial irmoa ebazten ez den bitartean eta, orduan, ordura arte etengo da preskripzio-epea.
3. Espediente administratiboen instrukzio-agintariek kontu-hartze judiziala baino lehen hartutako kautelazko neurriak indarrean egon daitezke agintari judizialen berariazko pronuntziamendurik ez dagoen bitartean. III.TITULUA: ZEHATZEKO ARAUDIA1.atala: animalien babesa19.artikulua: Arau-hausteak1.-Arau-hausteak arinak izango dira: A)ordenantza honetako eginbeharrak ez betetzea, horrek hiritarren higiene, segurtasun edota lasaitasunarentzat transzendentzia larririk ez badu.B)Zentsuan identifikaziorik gabeko konpainiako animalien jabe izatea, identifikazio hori galdagarria denean.C)Animalien garraioa, Ordenantza honetan ezarritakoa bete gabe.D)Animaliak arreta eta zaintza egokia eskaini ezin zaizkien lekuetan edukitzea.E)Animaliak euren izaerarako berezkoak ez diren jarduera edo jokabide desegokietara edo tratu laidogarrietara behartzea.F)AIEOari zentsurako identifikazioaren berri edota, ekainaren 1eko Euskal Autonomia Erkidegoan txakurrak edukitzeari buruzko 101/2004 Dekretuko 3.artikuluan jasotakoaren arabera, txakurren zentsuko identifikazioan izandako aldaketak ez jakinaraztea.2.-Arau-hauste larriak izango dira:a)Animaliak beharrezko janari, edari eta osasun laguntzarik gabe izatea edo euren beharrizan fisiologiko eta etologikoetarako espazio aldetik eta arlo higieniko-sanitarioan egokiak ez diren instalazioetan edukitzea.b)Albaitariaren kontrol gabe edo, bereziki, animaliak babesteko eta garapen arauei buruzko ekainaren 1eko 101/2004 Dekretuko 9.artikuluan ezarritakoari jarraituz animalia esterilizatzea, mutilatzea edo sakrifikatzea.d)Animaliari txertorik ez jartzea edo egin beharreko tratamendurik ez egitea.e)Baimen gabe animaliak saltzea.f)Animaliei tratu txarrak eman edo eraso egitea, alferreko sufrimendua, lesioak edo mutilazioa eraginez.g)Animaliei, zuzenean edo janarien bitartez, sufrimendua edo alferreko kalteak eragin liezazkiekeen substantziak ematea.h)Kalteak eragin ditzaketen animaliak zaindu eta babesteko beharrezko eginbidea ez izatea.i)Bide eta espazio publiko hiritarretan eta higiezin kolektiboetan alde komunetan txakurrak kontrol gabe ibiltzea, animaliaren ezaugarrietarako kate edo uhal egokiarekin eutsi gabe, edo uhal hori 2 metrotakoa baino luzeagoa izanik.j)Animalien min edo sufrimendu larri eta agerikoetarako, albaitariaren beharrezko laguntza ez eskaintzea.k)Dagokien baimen administratibo gabeko ikuskizunetan animaliak parte hartzera behartzea.l)Hiru arau-hauste arin egitea, ebazpen irmo bidez zehapena ezarri zaizkienak, zehapen-espedientearen hasi den egun aurreko 2 urteetan.m)Ekainaren 1eko 101/2004 Dekretuko 5.1 eta 2.artikuluetan ezarritakoa ez betetzea, azalerako metro koadro bakoitzean txakurrak edukitzearen ratioari buruzkoan, eta artikulu horretan aipatutako ibilgailu eta lokaletan txakurrak sartu eta egoteari buruzkoan.n)Ekainaren 1eko 101/2004 Dekretuko 7.artikuluan animaliak edukitzeko baldintza berezietara behartutako txakurrentzat ezarritako baldintza berezian ez betetzea.o)Erregistro libururik ez edukitzea.p)Erregistro liburuak guztiz bete gabe edo datu batzuen faltan edukitzea.r)CITES araudia edo aplikagarri den beste edozeinetan ezarritakoa bete gabe, animalia espezieak saldu, eduki, trafikatu, salerosi eta erakustea.s)Dekretu honetan aipatutako establezimenduak irekitzeko baimenik ez izatea, edo baimen hori iraungita izatea.t)Erregistroari ez jakinaraztea establezimenduan edo zentroan egindako aldaketak.u)Ikuskaritzaren lanari traba egitea edo lan hori egiten ez uztea.3.-Arau-hauste oso larriak izango dira:a)animalia hiltzea, agresioz edo subsantzia toxikoak eman izanaren ondorioz.b)etxe-aberea edo konpainiako animalia abandonatzea.d)Simulatu gabeko krudeltasuna, tratu txarra edo sufrimendua erakusten duten eszenak filmatzea zinema edo telebistarako.e)Baimendutako ikuskizunetan parte hartzen duten animaliei anestesia, drogak eta beste produktu batzuk ematea haiek mantsotzeko, errendimendu fisiko handiagoa erakutsi dezaten…f)Txakur-arraza arriskutsuak hazi edo gurutzatzea.g)Pozoitutako janariak bide eta espazio publikoetan uztea.h)Hiru arau-hauste larri egitea, ebazpen irmo bidez zehapena ezarri zaizkienak, zehapen-espedientea hasi den egun aurreko 2 urteetan.20.artikulua: Zehapenak edo zigorrak1.-Animaliak babesteko urriaren 29ko 6/1993 legearen arabera, animaliak babesteari buruzko arau-hausteak honako zenbateko hauek dagozkien isunekin zehatuko dira:a)Arau-hauste arinetarako isuna: 30,05€-tik 300,51€-rab)Arau-hauste larrietarako isuna: 300,52€-tik 1502,53-rad)Arau-hauste oso larrietarako isuna: 1502,54€-tik 15025,30€-ra2.-Zehapenen zenbatekoak urtero eta automatikoki gaurkotuko dira kontsumorako prezioen adierazlearen arabera, adierazle hori aurreko urteko zehapenen zenbatekoei aplikatuko zaielarik.21.artikulua: Zehapenen mailaketa1.-Isunen zenbatekoa mailakatzeko eta aurreko artikuluko 3.idatz-zatian aurreikusitako zehapenen iraupena zehazteko, honako inguruabar hauek kontuan izango dira:a)Egindako arau-haustearen transzendentzia soziala eta sanitarioa, eta eragindako kaltea.b)Legez kanpoko irabazi-asmoa agerikoa izatea eta arau-haustetik irabazitakoaren zenbatekoa.d)Arauak hausten segitzea. Zehapen-espedientea abiarazi aurreko bost urteko epean Ordenantza honetan aurreikusitako arau-hausteren bat administrazio bidezko ebazpen irmoz zehapena ezarri bada, arauak hausten segitu dela ulertuko da.e)Arau-haustearen gaitzespen-mailan eragin dezakeen beste edozein, bai aringarria bai astungarria. Horretarako, bereziki esanguratsua izango da animalien aurka erakutsitako bortxakeria haurren edota adimen-urrituen egin izana.2.-Gertakari berberak arau desberdinetan tipifikatutako arau-hauste administratibo 2 edo gehiago eragiten dituzten kasuetan, zenbateko handiena dagokion isuna ezarriko da, eta espedientea izapidetzeko eta ebazteko eskuduna zehatzeko ahala duen organoa izango da.22.artikulua: Zehatzeko eskumena nori dagokio1.- Animaliak babesteko urriaren 29ko 6/93 Legean araututako foru organoen zehatzeko eskumenaren kaltetan izan gabe, Ordenantza honetan xedatutako arauaren bat hautsiz gero, arau-hausteak udalak zehatuko ditu.2.- Indarrean dagoen legeriak udalei emandako ahalmenen barruan, alkatetza-lehendakaritza izango da arintzat tipifikatutako arau-hausteak abiarazi eta ebazteko organo eskuduna. 3.- Udal osoko bilkura izango da larritzat tipifikatutako arau-hausteak ebazteko organo eskuduna.4.- Foru organo eskuduna izango da oso larritzat tipifikatutako arau-hausteak zehatzeko organo eskuduna.5. Alkatetza-lehendakaritzaren esku utziko da larritzat tipifikatutako arau-hausteentzako zehapenak ezartzeko eskumena. 23.artikulua: Arau-hausteen eta zehapenen preskripzioa1.-Arau-hausteak arinak badira 4 hilabetetara preskribituko dute, larriak badira urte1 eta oso larriak badira 2 urtetara.2.-Preskripzio-epea arau-hauste egunetik bertatik kontatzen hasita zenbatuko da.3.-Zehapenek 5 urtetara preskribituko dute zenbatekoa 305,00€-koa edo handiagoa denean eta urte 1era zenbatekoa txikiagoa bada.4.-Zehapenen preskripzio-epea zehapena ezarri duen ebazpenak irmotasuna lortzen duen egunetik hasita zenbatuko da.Arriskutsuak izan daitezkeen animaliak24. artikulua. Arau-hausteak.1. Arriskutsuak izan daitezkeen animaliak edukitzeko araubide juridikoari buruzko abenduaren 23ko 50/1999 Legearen arabera, arau-hauste administratiboak izango dira bertan tipifikatutakoak.2. Arau-hauste oso larriak dira:a) Arriskutsua izan daitekeen animalia abandonatzea, edozein espezietakoa eta edozein txakur dela ere. Animalia abandonatutzat hartuko dira bai nahitaezko identifikazioa dutenak bai jatorria edo jabeari buruzko inolako identifikaziorik ez dutenak, betiere inor barik badabiltza.
b) Arriskutsuak izan daitezkeen txakurrak edo animaliak baimen gabe edukitzea.c) Arriskutsua izan daitekeen txakurra edo animalia edozein titulugatik saldu edo transmititzea baimenik ez duen norbaiti.d) Animaliak trebatzea, euren agresibitatea aktibatzeko edo debekatutako zerbaitetarako.e) Hartarako trebakuntza-egiaztagiririk ez daukanak arriskutsuak izan daitezkeen animaliak trebatzea.f) Arriskutsuak izan daitezkeen animaliekin lehiaketak, ariketak, erakusketak eta ikuskizunak antolatu eta eratzea, edo euretan parte hartzea, animalien agresibitatea erakusteko eratu badira.3. Arau-hauste larriak dira:a) Arriskutsua izan daitekeen animalia aske uztea edo animaliak ihes egin ez dezan edo galdu ez dadin beharrezko neurriak hartu ez izana.b) Animalia identifikatzeko eginbeharra ez betetzea.c) Erregistroko identifikazioari ezikusia egitea.d) Arriskutsua izan daitekeen txakurra leku publikoren batean aurkitzea muturreko gabe edo sokarekin lotu gabe.e) Arriskutsuak izan daitezkeen animaliak garraiatzea, 50/1999 Legeko 10. artikuluan xedatutako arauak urratuz.
f) Agintari eskudunek edo haien agenteek eskatutako datuak edo informazioa emateari uko egin edo eragozpenak jartzea, 50/1999 Legeak ezarritako funtzioak betetzen dihardutenean, edo emandako informazioa okerra izatea edo dokumentazio faltsua erakustea.4. Arau-hauste arinak izango dira abenduaren 23ko 50/1999 Legeko arauak urratzen diren kasuak, aurreko idatz-zatietan jasotakoetatik kanpo geratzen badira, batez ere honako kasu hauek:a) Arriskutsuak izan daitezkeen animaliak bide eta espazio publikoetan edukitzea, animaliok berarekin batera daramatzana edo kontrolpean dituena udal lizentzia gabe eta animaliak erregistroan inskribatu izanaren egiaztagiri gabe badago.b) Arriskutsuak izan daitezkeen txakur bat baino gehiago erabiltzea pertsonako bide eta espazio publikoetan.c) Txakur arriskutsuak edukitzea kale eta espazio publikoetan 2 metro baino luzeagoa den uhal edo kate luzagarriarekin.d) Arriskutsuak izan daitezkeen animaliak barruan dituzten instalazioetarako ezarritako segurtasun neurriak ez betetzea.e) Animaliaren osasun egiaztagiria urtero ez aurkeztea.
25. artikulua. Zehapenak.Aurreko idatz-zatian adierazitako arau-hausteei dagozkien isunak hauek izango dira:— Arau-hauste arinak, 150,25 €-tik 300,51 €-ra.— Arau-hauste larriak, 300,52 €-tik 2.404,05 €-ra.— Arau-hauste oso larriak, 2.404,06 €-tik 15.025,30 €-ra.26. artikulua. Zehapen erantsiak eta kautelazko neurriak.1. 25. artikuluan tipifikatutako arau-hausteei erantsitako zehapenak honakoa ekar dezake: Arriskutsuak izan daitezkeen animaliak konfiskatu, dekomisatu, esterilizatu edo hiltzea, establezimenduaren itxiera eta arriskutsuak izan daitezkeen animaliak edukitzeko lizentzia edo trebatzaile-egiaztagiria aldi baterako edo behin-betiko baliogabetzea.
2. Arau-hausteak delitu edo hutsegite izan daitezkeenean, eskumena duen agintaritzak animalia kentzeko erabakia har dezake agintaritza judizialak erabakia hartu bitartean, baina berehala jakinaraziko beharko zaio eskumena duen jurisdikzio-organoari horren guztiaren berri.3. Eskumena duen agintaritzak arriskutsua izan daitekeen edozein txakur kautelaz kontu-hartu eta aurreikusita daukan bilketa-zentrora eramango du, jabeak ekainaren 1eko 101/2004 Dekretuan jasotako neurriak betetzen ez baditu.
27. artikulua. Zehatzeko eskumena.1. Eusko Jaurlaritzako Nekazaritza eta Arrantza Sailak izango du eskumena trebatzeko gaitasunaren egiaztagiriarekin eta trebatzaileak prestatzeko ikastaroen homologazioarekin zerikusia duten arau-hausteetan.2. Alkatetza-lehendakaritzak izango du eskumena gainerako beste arau-hauste guztietan. Eskumen-lurraldetik kanpo geratu bada, eskumena Eusko Jaurlaritzako Nekazaritza eta Arrantza Sailak izango du.3. ATALA. Hondakinak28. artikulua. Arau-hausteak.Apirilaren 21eko 10/1998 Legearen arabera, honako hauek dira arau-hauste administratibo arinak, animaliei dagokienez:— Animalien gorozkiak uztea kale eta plaza publikoetan, haur-parkeetan, lorategietan eta, orokorrean, apaingarrirako edota pertsonen joan-etorrirako diren lekuetan.29. artikulua. Zehapenak.Aurreko artikuluan adierazitako arau-hausteak 601,01 €-ra arteko isunarekin zehatuko dira.30. artikulua. Zehatzeko eskumena.Alkatetza-lehendakaritza izango da zehapenak ezartzeko eskumena daukan organoa.4. ATALA. Osasun antolamendua31. artikulua. Arau-hausteak.Euskadiko osasun antolamenduari buruzko 8/1997 Legeko 36.2.b.1 artikuluaren arabera arau-haustea da agresioren bat eragin duen animalia albaitari ofizialak edo gaituak animalia hori behatzeko errekerimendua, eskumena duen udal organoak agindutakoa, edo hartzen diren kautelazko neurriak ez betetzea. 32. artikulua. Zehapenak.Aurreko artikuluan adierazitako arau-hausteak 3005,06 €-tik 15.025,30 €-ra bitarteko isunekin zehatuko dira, eta zenbatekoak ekainaren 26ko 8/97 Legeko 37.1 artikuluan xedatutakoaren arabera mailakatuko dira.33. artikulua. Zehatzeko eskumena.Alkatetza-lehendakaritza izango da zehapenak ezartzeko eskumena daukan organoa.5. ATALA. Ordenantzako haustea34. artikulua. Arau-hausteak.Toki jaurbidearen oinarriak arautzen dituen apirilaren 2ko 7/1985 Legeko XI. tituluan jasotakoaren babesean, gobernu lokala modernizatzeko neurriei buruzko abenduaren 16ko 57/2003 Legeak erantsitakoaren babesean, arau-haustea izango dira honako hauek:a) Ordenantza honetan bildutako eginbeharrak, debekuak edo mugak ez betetzea, arloko berariazko araudian tipifikatu ez direnak, arau-hauste arina izango dira.b) Hiriko fauna kontrolatzearekin zerikusia duten jardueretan udal zerbitzuen funtzionamenduari traba egitea arau-hauste arina izango da.c) Bide publikoan eta orubeetan hegazti, txakur, katu eta kaleko gainerako animaliei jatekoa ematea arau-hauste arina izango da.d) Animaliak edukitzearen ezaugarriei buruzko informazioa ez eman edo dokumentazioa ez erakustea, edo udal agintaritzak eskatu ondoren animalia euren esku ez uztea, ordenantza honetako 19. artikuluan ezarritakoaren arabera, arau-hauste larria izango da.35. artikulua. ZehapenakAurreko artikuluan tipifikatutako arau-hausteak honako isun hauekin zehatuko dira:— Arau-hauste oso larriak: 3000 €-ra arte.— Arau-hauste larriak: 1.500 €-ra arte.— Arau-hauste arinak: 750 €-ra arte.36. artikulua. Zehatzeko eskumena.Alkatetza-lehendakaritza izango da zehapenak ezartzeko eskumena daukan organoa.6. ATALA. Zehapen-prozedura37. artikulua. Prozedura.Titulu honetan erregulatutako arau-hauste guztietarako zehapen-prozedura administrazioen araubide juridikoaren eta administrazio prozedura erkidearen 30/1992 Legean, azaroaren 26koan, araututako zehatzeko ahalmenaren printzipioetara doituko dira eta, aurreko ataletan adierazitako xedapen bakoitzari dagokion araubidearen jatorria zein den arabera, Euskal Autonomia Erkidegoko administrazio publikoen zehatzeko ahalmenari buruzko otsailaren 20ko 2/1998 Legea ezarriko da, edo zehatzeko ahalmena erabiltzeko prozeduraren erregelamenduari onartzen duen abuztuaren 4ko 1398/1993 Errege Dekretua.38. artikulua. Prozesu penalarekin konkurrentzia.Instrukzio-egileak, prozedurako edozein unetan, uste badu instrukziopean dauden gertakariek legez kontrako izaera penala izan dezaketela, ebazteko eskumena duen organoari emango dio horren berri. Organoak bidezkotzat jotzen badu instrukzio-egilearen ustea, Ministerio Fiskalari jakinaraziko dizkio gertakari horiek, eta instrukzio-egileari eskatuko dizkio egindako jarduketei buruzko argibideak.Halaber, prozedura administratiboak biltzen dituen gertakarien gainean prozesu penala egiten ari dela jakin ondoren, Ministerio Fiskalari eskatuko zaio egindako jarduketei buruzko jakinarazpena. Bestalde, prozedura administratiboak biltzen dituen gertakarien ondoriozko gertakarien gainean prozesu penala irekita dagoenean ere, horrelako beste jakinarazpen bat eskatu zaio Ministerioari.2. Ministerio Fiskalaren jakinarazpena jasotakoan, prozedura penala ebazteko eskumena duen organoak prozedura etetea erabakiko du, harik eta epaileek behin betiko ebazpena eman arte.3. Administrazioko prozedura penala eten arren, kautelazko neurriek beren hartan jarraitu ahal izango dute, betiere bateragarriak badira prozesu penalean hartutako neurriekin. Hala ere, neurri horiek ez dira bateragarritzat joko, baldin eta kautelazko neurri penalak nahikoak badira administrazioko prozedura penalean aintzat hartutako kautelazko helburuak lortzeko.Ministerio Fiskalari jakinarazi beharko zaio kautelazko neurriak hartzeko edo beren hartan jarraitzeko egintza.4. Nolanahi ere, epaileek ebazpen irmoan frogatutzat jotako gertakariek lotu egiten dituzte organo administratiboak, bideratzen diren prozedura penalei dagokienez.
Administrazioak ofizioz berraztertuko ditu ebazpen penalean frogatutzat jotako gertakarietan oinarritzen ez diren ebazpen administratiboak, eta bat egin beharko du ofiziozko berrazterketako prozeduren arauekin.39. artikulua. Jakinarazpena AIEOari.Zehatzeko eskumena duten organoek AIEOari bidaliko diote zehapen-prozedurari amaiera emango dion ebazpenaren kopia bat.XEDAPEN INDARGABETZAILEAHonen aurkako ordenantza, erregelamendu eta udal bando guztiak indargabetuta geratzen dira.AZKEN XEDAPENAOrdenantza hau indarrean sartuko da Gipuzkoako Aldizkari Ofizialean argitaratu eta biharamunetik hasita.I. ERANSKINAIDENTIFIKATU GABEKO ANIMALIAK
UZTEKO DOKUMENTUAAnimaliak babesteko urriaren 29ko 6/1993 Legeko 16. artikuluan eta animaliak eduki eta babestea arautzen dituen udal ordenantzako 9. artikuluan ezarritakoaren arabera, animalia aldi bateko utziko zaio honako honi:Jaun/andrea: .......................................................................... NAN: ...........................................Helbidea: .............................................................................. Lurraldea: ........................................................................ Kalea: ..................................................................................................... Telefonoa: ................................... emaila: .................................. identifikaziorik ez daukan animalia hau, erregistro zk.: ............. eta ezaugarri hauek dituena:Arraza: ................................... Kapa: ................................... Kolorea: ................................... Sexua: ...................................... Gaitasuna: ................................... Gutxi gorabeherako adina: ................................... Zentrora sarrera-eguna: ........................... Behean izenpetu duenak hitz eman du animalia zaintzeko eta zentrora itzultzeko hala eskaintzen bazaio, beste hirugarren pertsonaren batek animaliaren legezko jabea dela frogatzen badu.Era berean, animaliak eduki eta babesteko udal ordenantzako 5-1 eta hurrengo artikuluetan ezarritako suposamenduetan, zentro honetara etorriko dela hitz eman du animaliari ofizioz identifikaziorako mikrotxipa ezarri diezaioten, animalia zentroan sartu den egunean kontatzen hasi eta hilabeteko epean, edo beste albaitaritza zentro edo klinikaren batean ezarri diotela egiaztatzen duen ziurtagiria aurkez dezan.........................., ...........(e)ko .........................aren ..........(a).Irakurrita eta onartuta:
(animalia utziko zaion pertsonaren sinadura)II. ERANSKINAAGRESIOA GERTATZEAN ANIMALIA BEHATZEKO DERRIGORREZKOTASUNAREN JAKINARAZPENAAnimaliak babesteko urriaren 29ko 6/1993 Legeko 11. artikuluan ezarritakoarekin bat, udalek, beste batzuen artean, gizakiren bat eraso duten animaliak isolatu edo internatzeko agindua eman behar du animalia behatua izan dadin.
Era berean, animaliak eduki eta babesteko udal ordenantzako 11. artikuluan xedatzen du lesioak eragin dituen animaliaren jabeak edo edukitzaileak jarraitu behar duen prozedura eta prozedura horri ez jarraitzeari dagokion zehapena.
Goikoarekin bat, honako hau jakinarazten zaizu:Lehenengo: Lesioa eragin duen animaliaren jabearen edo edukitzailearen datuak:
................................................................................ jaun/andrea, udalerria: ..................................................................................... kalea: ..............................................................., zk.: ................... NAN: ............................................. Tel.: .................................... Animaliaren identifikazio zk. (hartara behartuta dauden animaliak): ............................................, arraza: ..................................
Goialdean zehaztutako jabe edo edukitzaile horri jakinarazten zaizu, 24 orduko epean zuk zeuk aukeratutako albaitari ofizial edo gaitu batek animalia hamalau egunetan behatu behar duela. Behaketaldia bukatzean, 48 orduko epea izango duzu, .............................ko udaleko ..........................(a)ri albaitariaren txostena bidaltzeko.Bigarrena: Edozein argibide edo informazio gehiago
jasotzeko, jo ......................................................ko udaleko ............................(a)rengana, (helbidea) edota ........................... telefonora deitu.............................., ........(e)ko .......................aren ...........(a).Irakurrita eta onartuta:
(animaliaren jabe edota edukitzailearen sinadura)