Albisteak

APIRILAK 29 - PARTAIDETZAKO AURREKONTUAK

Zure eskualdea hobetzeko proposamenak egin nahi badituzu, formularioa bete dezakezu edo udaletxean eta Kaxintanen jarri ditugun postontzietan uzti dezakezu. Ekarpenak egiteko garaian, bi irizpide kontuan hartu behar dituzu: zure proposamenak eskualde ikuspegia izan behar du, hau da, eskualdearentzako onuragarria izan behar du. Bigarrenik, Foru Aldundiaren eskumenekoak izan behar du.
Zure ekarpenak egin ditzakezu apirilaren 30 arte.

DOKUMENTAL EMANALDIA - E.H. EZKUTUKO ZORRA

APIRILAK 16 - 19:00tan KULTURGUNEAN
Gaur egun, kontsumitzen ditugun material gehienak oso urrutitik ekartzen dira. Iparraldean kontsumitu eta ekoizten dugun produktu ugarik, Hegoaldeko herrialde txirotuetan dute jatorria, bertan kutsatzea edo langileak baldintza prekarioetan kontratatzea errazagoa eta merkeagoa baita. Gure jarduera ekonomikoak zein kontsumoak Hegoaldeko herrialdeetan kalte ekologiko eta sozialak eragiten dute, haiekiko zor bat sortuz, zor ekologikoa, alegia.

ITSASONDO - ORDIZIA BIDEGORRI ZATIAREN INAUGURAZIOA

GAUR ITSASONDO - ORDIZIA BIDEGORRI ZATIA INAUGURATU DU ALDUNDIAK
2015eko martxoak 12, osteguna
Gaurkoan Itsasondo eta Ordizia lotzeko bidegorri zatia ofizialki ireki du Aldundiak. Era horretan Itsasondo eta Ordizia herriak bidegorri bidez lotuta geratu dira eta, aldi berean, bidegorriak bat egingo du Ordiziako udal bidegorriarekin mutur batean eta beste batean Itsasondo - Legorretan bidegorriarekin.
Azpiegitura berria 1.230 metro luze da eta oinezkoentzako eta txirrindularientzako tokia dauka, karril bana markatuta dituelarik.

MAKROBIOTIKA TAILERRA

Datorren larunbatean, otsailak 28, makrobiotika tailerra izango da Itsasondoko Bizi Nahi elkartean, goizeko 9:30etatik 14:30etara. Bertan udaberriko energia nolakoa den aztertuko dugu, medikuntza txinatarreko "zuhaitza" elementuari buruz arituko gara (gibela eta behazuna elementu horri dagozkio), eta gorputza neguko lozorrotik nola esnatu ikusiko dugu, udaberriari ongietorria egiteko.

Orriak